副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

(回到陀B時~)警剔自己!不要比較,每位小朋友都是獨一無二的

新年除左不停拜年外,仲係一個好好既時間去整理一下自己,重新開始新一年!就係我整理舊電話既時候搵返之前仲陀緊蠔豉妹妹既信~宜家妹妹7個月大了,希望我忽忘初衷!多謝你,成為我個女~—&mdas

新年除左不停拜年外,仲係一個好好既時間去整理一下自己,重新開始新一年! 就係我整理舊電話既時候搵返之前仲陀緊蠔豉妹妹既信~ 宜家妹妹7個月大了,希望我忽忘初衷! 多謝你,成為我個女~   ——————————————————   話咁快就37週了!醫學角度上已經足月lu,肚入面既您隨時都要出黎say hello啦 :) 我自己都無諗到呢個孕期話咁快就去到尾聲,所以想您仲係我個肚入面寫低返少少野,警剔自己!     您爸爸媽媽都唔係讀書既材料,讀書只係普普通通,公公婆婆、爺爺嫲嫲都無乜理過我地學業上既野。 所以您出世後,我地都唔會管得太緊。 我知,呢個世界變左,可能您會怪媽媽點解唔幫您做功課(親子功課除外:p)...但我想您自己試下,學習下,自己的事自己做,好嗎? 每一位小朋友都是獨一無二,無論係媽媽定您,都唔應該同其他人比較 :)   生活上,雖然爸爸媽媽唔係大富大貴,但要三餐無憂都應該無乜問題。 做人最緊要學會知足,能力範圍內、合理的,我地都會盡全力,您都要一樣。 條路係您既,爸爸媽媽唔會幫您揀。 但我地絕對會講出我地既意見、經驗。 唔好怕失敗、唔好怕兜路,只要唔係傷害到自己同傷害到人的話,一定要撐落去。 可能,您會話係香港講理想、夢想係好多餘。 但未試過又點知多餘呢? 唔好因為怕事就唔出聲,我相信,到您大個,香港仲係一個有言論自由既地方。 要識得自己分辨是非黑白,唔好人云亦云,相信自己,知道嗎?   真係好期待您既來臨,希望您都會因為黎到呢個世界而開心 :)   —————————————————— 我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring 邀稿 : wingring417@gmail.com / wingring@ymail.com