副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【卧底兵團.試玩分享】@童夢城

之前參加永安旅遊 限時優惠 Facebook 專頁活動的「卧底兵團」任務,好開心可以帶昕昕到童夢城享受原價$398【合味道杯麵工作坊、親子小廚師『 如意曲奇製作班』、兒童小舞獅 + 1 項兒童自選職業

之前參加永安旅遊 限時優惠 Facebook 專頁活動的「卧底兵團」任務,好開心可以帶昕昕到童夢城享受原價$398【合味道杯麵工作坊、親子小廚師『 如意曲奇製作班』、兒童小舞獅 + 1 項兒童自選職業體驗活動】的旅遊套票=]     今次帶昕昕坐A36巴士可以直接來到香港國際機場 2號客運大樓,入到去望到入手邊係童夢城的入口,之前一直在 1號客運大樓搭飛機,所以唔知2號客運大樓主要俾廉航的乘客登機用,今次可以話係我和昕昕細姨6月大阪自由行的機場視察之旅:P     去到櫃位登記,由於沒有帶列印版的收據,要即時在電話cap再whatsapp俾工作人員,交了10元作為相關行政費用,每位小朋友會獲得一本護照,記錄他們的行程~~~   小朋友每次完成職業體驗後會獲得相關的卡仔和酬金,而100元酬金可以免費獲得一包紙包飲品,50元酬金可以加4元港幣換領,但由於酬金設計精美,所以我決定留念用~~~     我們更有一張攤位遊戲券,如需額外攤位遊戲券,每張收費港幣$10~~~     昕昕第一個職業體驗係做護士,昕昕當日早上在愉景新城活動扮了醫生,下午就扮護士,倒是不錯的體驗,小朋友每次穿上職員體驗的衣服後可以自由拍照數分鐘~~~     昕昕今次的小任務係照顧BB,昕昕要幫BB抹PAT PAT和餵奶~~~     最後要放入BB床,呢款在醫院見過的床相信每個媽媽都有印象,昕昕好鍾意BB,在活動完成後叫我生個BB俾佢幫手照顧,真的令我哭笑不得~~~     睇昕昕扮護士時見到一班消防員救火,其實場內的職業大多在房內進行,消防員可以走出消防局外射水救火,媽媽們就努力影~~~   **其實室內嚴禁拍照,湊巧活動當日場地沒有專業攝影服務(俾錢買相),所以媽媽們就好似狗仔隊咁盡力拍攝孩子的情況~~~     昕昕第二個職業體驗係做兒童小舞獅,佢跟其他小朋友一齊學步伐,然後帶住獅頭行幾轉,呢個係新年活動,難得一場來到,扮吓無妨~~~     昕昕第三個職業體驗係做小廚師,原來小朋友係自己一個整曲奇餅,過程好簡單,小朋友只係將麵糰分成自己喜歡的形式,然後俾導師拎去焗,不過昕昕都好享受,因為之前每次親子食物製作活動我好多時間會捉住佢的手來整~~~     最後我們去合味道杯麵工作坊,如果網上登記要$35一人,但今次係套票包埋,我和昕昕都好開心咁製作屬於自己包裝和材料的杯麵,原來杯麵有效期得一個月,昕昕晚上唔肯食飯,到飯後就話肚餓和細胰分享有芝士材料的雞味杯麵= ="     大家不用到日本,在香港可以有這樣的體驗真的超值,唔知道昕昕細姨6月去大阪check in前的時間會唔會陪我玩一轉:P     今次套票的活動時間約3小時,做小廚師後要等焗好的曲奇餅需要比較多的時間,如果第二、三項活動的時間調換比較好,其實場內另有出前一丁工作坊,每人只需$50,但一定要兩人一組,感覺好吸引~~~     雖然昕昕間學校每年的K3小朋友可以到童夢城參與職業體驗活動,但裡面的工種甚多,要去幾次先至可以玩晒,童夢城的體驗令我諗起細細個果陣的《閃電傳真機》裡面的工作體驗環節,唔知80後的網友有沒有這記憶呢?    童夢城資料:   地址:香港國際機場 2號客運大樓 6樓 6P005 區   網頁:http://www.dreamcometrue.com.hk/zh/home/     永安旅遊 限時優惠 Facebook 專頁連結,專頁內更有買一送一活動優惠,如有興趣可以留意:   https://www.facebook.com/WOTBestPrice/   以下是我們的FACEBOOK專頁連結,裡面會有一些昕昕的生活照片和不同資訊分享^^      小玉雜記   生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=W=     我的網誌~~~ Google blog theztyle blog Mybb.com blog Bkmilk blog She blog (New)     She blog (Old) Elle Blog WOW Blog WeShare 媽咪幫mamibuy U Blog 我的飲食分享:     如有任何Blogger活動邀請或試用,可以聯絡我的電郵:   mandylau55@gmail.com