副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

與綿綿爸爸拍拖日-感覺好Sweet

兩星期前綿綿爸爸襯放假,陪我去Sky100 及西九龍海濱長廊散步,順便幫我影幾張孕照留念,當時陀住綿綿bb 第32週, 個肚感覺重左好多呀,所以行得好慢, 行一陣都要坐底唞唞。不過呢日都好開心,因為好

兩星期前綿綿爸爸襯放假,陪我去Sky100 及西九龍海濱長廊散步,順便幫我影幾張孕照留念,當時陀住綿綿bb 第32週, 個肚感覺重左好多呀,所以行得好慢, 行一陣都要坐底唞唞。不過呢日都好開心,因為好似好耐未試過同綿綿爸爸出外拍拖既感覺。 本身想租家庭單車,但原來無呢款租,於是行行下遇到西九文區既無人駕駛穿梭巴士,之後就八卦問可唔可以坐,原來呢部係全港第一架, 現在進行試驗中,工作人員話可以比我地試坐測試,測試完上網輸入意見就可以了。 所以我地就上車試坐了了整個路程, 車身都幾可愛, 好似麵包車,入面總其有10個位可以坐。 開車時工作人員用遊戲機手制操控, 之後就開始轉做無人駕駛mode, 如果預到前面有車或障礙物,車身就會自動剎停,如果發現前面車未離開, 就會自動發出bb聲, 提示前面。 整體來講車內環境舒適整潔,行駛程度適中, 唯一係自動剎停時,較為突然,不夠暢順。 工作人員話,公司會綜合所有意見, 改良後先再引入第2部或以上, 作為香港一份子,我同綿綿爸爸都好樂意上網輸入意見! 落車後,我地開始行下散步, 影下相。發現呢度唔同晒, 無晒木地板喇, 不過印象中已經最小5年無來過,發現原來都有唔小一家大細來呢度遊玩,都幾寫意。我諗將來我同綿綿爸爸都會帶綿綿來呢度行下或踏單車放電呀! 行到中途,見到個景有樹有草地,綿綿爸爸就係度幫我拍多幾張相留念 其實我知道綿綿爸爸工作真係好忙,你收工盡量都會趕返屋企陪我,大部分產檢及講座你都會盡量抽空陪我去,雖然知道你平時工作已經要幫人影相拍片,但連放假時候,都要你帶相機出來,呢日好多謝你放假陪我和綿綿出外散步,幫我影相, 我覺得好感動。將來綿綿出世後,貪心既綿綿媽媽仍然希望你同樣可以抽到時間陪伴我們,多多親子吓! 綿綿媽媽的足跡 https://www.facebook.com/sukimama2018/ https://www.mamibuy.com.hk/home/13092 https://wow.esdlife.com/sukimama IG: sukimama_ig