副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[關於懷孕]唔好成日諗我好想中獎!

雖然BB已經半歲,但果醬媽拖到今日先黎分享一下關於[生兒育女]呢個話題既一些心得同感受。[關於懷孕]果醬媽&果醬爸拍左4年拖,結婚既時候已經20有8,而在結婚之前果醬婆婆第一次見果醬爸(當時仲

雖然BB已經半歲,但果醬媽拖到今日先黎分享一下關於[生兒育女]呢個話題既一些心得同感受。 [關於懷孕] 果醬媽&果醬爸拍左4年拖,結婚既時候已經20有8,而在結婚之前果醬婆婆第一次見果醬爸(當時仲係男朋友)就已經直接了當表達左想抱孫既心願,而婚後老爺奶奶雖然無直接畀壓力我(可能有畀果醬爸?!),但唔多唔少我都知道老人家都恨抱孫,所以婚後我地都好積極,但偏偏過左3,4個月都無好消息,搞到我地兩個好擔心,正諗住再做D身體檢查時就發現中左獎! 以下係我想分享既小小體會: 1. 計算排卵期 其實果醬媽唔係個D身體特別好既人,而且每個月黎月經都會痛到反轉,有時仲會痛到返唔到工要請假。不過有一樣野好就係經期準,即係個個月都一定會痛一次!而在結婚之後,我就開始用APP記錄每個月的日子,順便睇下排卵期,當然我又唔會瘋狂到「按表操課」,但係畀自己知道幾時最唔安全都無壞呀!就係咁記錄左3個月左右,之後就發現有左(當然我比較後知後覺),後尾對返D日子,就發現個APP真係幾準,所以打算懷孕既媽媽可以參考下。 APP: 小月曆 2. 放鬆心情 對於一D媽媽,懷孕係易過借火既事,亦有一D媽媽要經歷千辛萬苦,但如果想有,放鬆心情真係好緊要!我記得頭幾月(未中時)我一直都抱住「好想生、好想生、好想生」、「快D中、快D中、快D中」既念頭,但無形中因為咁比左好大壓力自己,到每個月黎經時又會好DOWN好失望,影響心情。而呢一胎中正正就係我放下左呢種想法既時候,因為當時岩岩轉左新工,於是我同自己講唔好咁大壓力啦,等工作穩定左再算啦,結果就中左獎!所以千萬唔好畀無謂既壓力自己! 之後有時間再黎分享懷孕、生b、湊b既種種.......