副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

八個月既驚喜(險)生活-上篇

呢八個月真係又驚又喜,差不多所有大肚婆會遇到既問題,我都中......希望係度分享下自己既問題,可以令其他懷孕中既準媽媽可以放鬆心情,迎接BB既出生.....終於夠7週了,可以真係、真係確定係咪有左B

呢八個月真係又驚又喜,差不多所有大肚婆會遇到既問題,我都中......希望係度分享下自己既問題,可以令其他 懷孕中既準媽媽可以放鬆心情,迎接BB既出生..... 終於夠7週了,可以真係、真係確定係咪有左BB,雖然 已經係普通診所確認左,但係始終吾係好相信,真係有左??會吾會係宮外孕呢??大肚婆真係會胡思亂想架!!(其實最驚係食詐糊) 檢查既時候訓係床上望住個mon雖然只係得一點,但係見到真係好神奇...嗰一刻真係好感動⋯⋯直到醫生同我講"嗱你有餡啦"咩感動既氣氛都比醫生搞彎晒...雖然好開心真係100%確認有左BB,不過因為未夠三個月,而且第一次懷孕,心情真係好忑忐不安.... 到差不多三個月既時候,以為可以放鬆心情正式開始過做皇后既heahea生活,突然發現小便後有些啡色分泌物.....第一次見到真係嚇一跳,因為返緊工,只可以不斷上網search 下究竟係咩事、要點做,、駛吾駛睇醫生呢?? 最擔心就係會吾會小產...... 以下係上網睇倒既其中一些資料,大家可以參詳下。 一般作小產的徵兆是陰道流血,剛流出的血液呈鮮紅色,若流出啡色的血液,份量較小,則表示之前有血液殘留在陰道中,氧化了而變色,俗稱「流啡」。血的流量和顏色並沒有指標,不能斷定是否真的會小產。作小產的孕婦可能會感到肚痛,有的人會痛如經痛般,甚至比經痛更痛,但大多數孕婦都沒有太大感覺。作小產不會影響胎兒發育,只要超聲波顯示胎兒還有心跳,則九成機會沒有問題。(不過始終以醫生既專業意見為準) 而我去檢查後發現原來有息肉,醫生話等個胎穏定後就可以"抆左佢",醫生話有息肉係好普遍既,即刻安心好多。 到第三個月既時候,小便後竟然竟然出現紅色既分泌物,嚇死我啦,立即連工都吾返即刻去睇醫生,檢查後發現我個胎盤前置,醫生解釋左好多關於胎盤前置可能發生既情況,最嚴重就係生產時出血,無論對孕婦同嬰兒都係非常危險既,所以大多數醫生都建議開刀..不過醫生都講因為懷孕週數短,胎盤係仲有好多時間可以升返上去,醫生為左令我更加放心即刻拍張超聲波照片給我,看見BB平安,我既心都定D,但係都吾可以放心住,一定要多休息,醫生一次過竟然開左兩星期病假比我.....之前成日聽人講要瞓床安胎,估吾到會發生係自己身上..... http://www.ha.org.hk/haho/ho/hesd/101506c.htm 大家可以click呢條link去睇下,有好多內容我都覺得好實用架,但係只可以作參考,一切以醫生既專業意見為準。 係度提一提大家,一發現有左BB之後除左要去健康院登記之外,一定一定要去埋私家既婦科診所檢查,因為第一次去健康院檢查係差不多懷孕三個月,而頭三個月是非常非常重要的.......如果等到去健康院檢查,才發現有咩問題,就可能會太遲,同埋最好可以到生之前都定期去私家診所檢查....健康院只提供簡單既檢查,私家診所係比較全面架。( 去私家診所檢查既$真係吾慳得架) 分享住甘多先,之後有時間再分享埋之後幾個月既生活! (湊B真係好忙)