副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

BB的專屬攝影師!(証件相、BB攝影DIY)

本身我都唔係一個專業攝影師~不過作為一個女性,對影相都有一定既要求!宜家作為一個新手媽媽,日常生活除左換片、餵奶、陪玩同沖涼外,每日都會做既就係影相!要知道小朋友大得好快!蠔豉妹妹都就快9個月~~宜家

本身我都唔係一個專業攝影師~ 不過作為一個女性,對影相都有一定既要求! 宜家作為一個新手媽媽,日常生活除左換片、餵奶、陪玩同沖涼外,每日都會做既就係影相! 要知道小朋友大得好快!蠔豉妹妹都就快9個月~~ 宜家既蠔豉妹妹已經無左個bb樣,變左一個小孩樣~~ 所以每日影相真係唔可以少!   平日無出街既話,我主要都係用我部iPhone 8plus影~ 基本上都影得幾好,最重要係一定要開live photo影! 因為BB好難望鏡,好多時大人望時BB又無望,用live photo就可以揀返前後1.5秒既相,增加搵到一張望既相片既機會 :p   至於有時出街或者心情好想影靚啲,我就會用Sony RX-100 IV~由於都唔係啲咩攝影大師,所以最簡單,用體育活動mode就ok~長按就可以連續拍~   上星期去將軍澳單車館野餐就係用RX 100 IV囉~   除左影下家庭照外,影証件相都係一件好好玩既事 :) 不過就起碼要搵多個人幫手~ 一般特區護照、Visa都無問題,不過回鄉證就唔建議自己影了,因為比較嚴謹~ 我都係用iPhone 8 plus~開live photo影~ 當然仲要係搵白牆做背景~ BB/小朋友著深色衫會比較好,因為之後易啲執相~ 好似我咁,我負責影相,再搵工我姐姐幫手就ok~ 影完揀到張望鏡就ok~ (特區護照無要求要睇到耳仔,所以ok,回鄉証就不合格了~)   之後再用免費apps - VSCO 執返背景就ok~ (我會再寫多篇關於執相~)   之後執好又啱size就可以拎去印了~我之前係拼到一張3R有4張,之後再cut就ok~   當然,想效果更好,去曬相舖影都ok~($95/8張)   有時係到諗,其實真係要俾工人姐姐同老公去學影相...長遠黎講,我真係好蝕底,我永遠都無一張靚既非自拍合照 :( 唔知大家又係咪BB既專屬攝影師呢~   我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring   合作/邀稿 : wingring417@gmail.com / wingring@ymail.com