副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[關於湊B]誰來湊我之由長老到請姐姐湊的心酸史

在請姐姐之前,我曾經在腦海入面掙扎過千萬次,因為BB仲細,真係好唔放心交畀姐姐湊,好幾次諗過不如辭職全職湊小朋友算了。最後,我都係決定請姐姐!

在請姐姐之前,我曾經在腦海入面掙扎過千萬次,因為BB仲細,真係好唔放心交畀姐姐湊,好幾次諗過不如辭職全職湊小朋友算了。最後,我都係決定請姐姐! 1. 要請個好姐姐,首先就要搵個好agent! 當BB仲係肚入面時,家中長輩就拍晒心口話會幫手湊,因為BB仲細,由屋企人湊始終放心D,而我亦有晒長輩有長輩既一套方法既心理準備,但只要唔係對BB構成危險(要求夠低啦?),都唔會加插意見。但係,湊newborn係極攰既一件事,放緊產假都仲好D,因為我會係到幫手,但到我返埋工,就得返老人家all day 對住BB,所以就開始聽到有說話,唉,講起都真係一殼眼淚(真係好HURT)!最後把心一橫請姐姐。果醬媽係第一次請工人,所以都係周圍問下人,主要因為我有BB,所以朋友叫我同agent講urgent,但都要有心理準備由interview到佢可以上工都要幾個月,咁我就已經諗住有排等啦!最後,agent 幫手彈左個現成而又識湊BB既姐姐畀我,因為佢既前僱主有急事要返返英國,所以唔要佢,我in完佢再問agent要左佢前僱主既電話,佢前僱主講左句"she took really good care of my kids",我就知道呢個姐姐請得過。 2. 姐姐不是工人是家人   姐姐黎到,我地要適應佢,佢亦都要去適應我地。之前果醬爸媽為咗減輕老人家負擔,家務各樣野都係會自己做返,所以放工返到屋企都係無得抖,有時真係好攰。而對於姐姐,我只有一個要求:「全心全意湊好BB」,因為對我黎講,無野會重要得過呀B,所以家務做到幾多就幾多,做唔晒可以第日再做。有左姐姐幫手,其實都已經幫輕左好多野,我都試過全日自己湊B,其實真係好忙好累,所以我唔會要求姐姐咁多。見佢每日湊BB、煮粥仔、又會主動影相比我地,已經好滿足。姐姐都講「如果僱主對她好,她一定會對個僱主更好」。其實相處起黎,互相尊重同體諒好緊要(因為姐姐都係人,佢都會攰、會辛苦、會有情緒)。 3. BB親姐姐而唔親父母? 其實我覺得呢樣野唔係必然,小朋友可以親姐姐同時亦親父母,關鍵係父母點對BB。首先,我好堅持BB同我地同房訓,要餵夜奶都一定自己黎,就算有姐姐都一樣係咁,一方面姐姐可以抖下,一方面亦可以等我地同BB關係close返D。另一點就係我小朋友並唔係一出世就被姐姐湊,反而係五、六個月大先有姐姐湊,呢個時候我地既關係其實已經建立左,而家BB習慣左日頭跟姐姐,夜晚跟我地,所以佢既跟姐姐又痴我地。事實上請左姐姐,好多野都會依賴左佢,但照顧小朋友同親子關係真係唔懶得!正所謂「用人不疑、疑人不用」,請得呢個姐姐,佢上左手我就會交晒D野比佢,有不足就提點下。因為工作好忙,我好難時時刻刻MON住佢,如果唔信任姐姐,我諗自己既工作、壓力都會好大。最開心既係而家我唔洗再擔心呀B無人照顧,又可以兼顧工作,總算係「一天都光晒」!