副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[育兒產品]淘到寶物之100%好用推介(純分享非宣傳)

相信各位爸爸媽媽有左BB之後都會變「購物狂」、「掘寶狂」,但係BB產品多花款,有D價錢都唔平,今日果醬媽就黎分享係淘寶買到既幾件育兒寶物!第一位:恆溫熱水壺(約100港幣)BB需要補奶粉,而一個可以恆

相信各位爸爸媽媽有左BB之後都會變「購物狂」、「掘寶狂」,但係BB產品多花款,有D價錢都唔平,今日果醬媽就黎分享係淘寶買到既幾件育兒寶物! 第一位:恆溫熱水壺(約100港幣)   BB需要補奶粉,而一個可以恆溫既熱水壺就好重要啦,有時出街就咁帶一壺,夜晚沖奶亦唔洗溝水,超方便! 第二位:遙控小夜燈(約50港幣) 呢個正!夜晚可以熄燈訓,需要時用遙控打開,非常好用! 第三位:BB食物攪拌器(約150港幣) 呢個個壺係玻璃既,可以直接攪熱野,而且用時個攪拌器好靜,我覺得好用! 第四位:加濕器(約150港幣)   冬天同呢排天氣好乾,BB皮膚好易好乾又痕。夜晚我會打開加濕器,令房間既濕度提升返。呢隻好用在打開蓋加水就得,而且小小水就可以用一晚,極推薦! 第五位:保溫壺(約100港幣)   BB開始加固食粥仔,有個保溫壺帶出街都方便D,呢隻細細地,容量岩岩好,而且保溫效果一流。   第六位:BB車掛袋(約30港幣) 同BB出街要帶好多野,用掛袋可以唔洗咁「論盡」。 以上都係果醬媽用過覺得好用並且持續用既物品,希望分享畀大家。如果有興趣知多D細節,牌子、邊間舖等,可以PM我架! Facebook: Jam Ko