副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

孩子健康是父母所祈盼的~孖吉腦部檢查

孖吉足月出世,但出世後因肺部有問題要入NICU,服食7日抗生素療程。出院後以為有好日子過,但回家幾日後收到QE兒科打嚟話要即刻入醫院。當時姑娘唔肯講咩事,嚇到我一路喊一路執孖吉嘅行裝去醫院。去到醫院嘅

孖吉足月出世,但出世後因肺部有問題要入NICU,服食7日抗生素療程。 出院後以為有好日子過,但回家幾日後收到QE兒科打嚟話要即刻入醫院。 當時姑娘唔肯講咩事,嚇到我一路喊一路執孖吉嘅行裝去醫院。 去到醫院嘅兒科病房,醫生就解釋話每個寶寶出世個時都會做腦部超聲波, 後尾發現孖吉腦部有粒光點,需要作深入嘅檢查,所以要即時留院安排快期俾佢再驗。 醫生強調今次喺做CT Scan(電腦斷層掃描),有輕微輻射,雖然量唔高但作為父母嘅點會唔擔心呢,但又唔可以唔做喎。   做CT Scan要平靜地躺著,試問一個嬰兒點可能做到呢~ 所以醫生話要俾鎮靜劑俾孖吉服用先可以做。。。。 作為一位新手母親嘅我只能無奈接受,見到孩子要做咁多檢查但又唔可以陪伴佢身邊,而且又害怕輻射殘留心裏卻心痛得很。。。。   到第二日,姑娘打電話俾我話報告出左,要去聽報告。 醫生親自講解話孖吉腦部嘅光點喺鈣化,另外又發現孖吉腦部有條小裂痕。 醫生解釋依個moment喺唔會影響孖吉腦部發展,但要Keep住覆診,睇下情況有冇改善,之後就可以出院啦~ 其實我都明白冇野可以做到,怨天怨地不如好好活在當下,只要孩子健康無事出院我就心滿意足了~   到左孖吉半歲,安排左第二次嘅腦部檢查,今次喺超聲波掃瞄,傷害性冇CT Scan咁大,又可以陪喺佢身邊。 過程其實好似產檢咁,但就喺個頭吱d gel然後再用枝棒棒係咁look,大約用左5分鐘左右。 唔駛食鎮靜劑,但醫生話唔可以郁,所以我要按實孖吉個頭唔俾佢郁, 孖吉就一直喺度喊,喊到出面等緊嘅爸爸都聽到,真係醜死怪。   然後再過多幾日返QE聽報告,醫生話孖吉鈣化同骨裂似乎冇左, 但係腦部嘅積水比較多(媽媽又要再次擔心了......)所以隔一排又要再做超聲波掃瞄,又要再見兒科醫生。。。   沒完沒了嘅檢查真係令人好氣餒,好想每次聽報告個結果係唔駛再返去, 唯有安慰自己話有免費兒科檢查,俾醫生好好Follow up個Case,好過大個D嗰時知道有事仲難接受。   今日係兒童節,我祝所有小朋友都健健康康,孩子嘅健康永遠都係父母所希望的~~~   Email: qqyanyan@gmail.com IG Follow: qq_chinchilla 專頁: 孖吉的成長日誌 MamiBuy Esdlife