副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[關於懷孕]係咪真係要戒口?

果醬媽發現自己懷孕既時候已經8-9周,在此之前當然亦都無戒過口,但一樣生左個健健康康且為食既小寶寶。所以,關於戒口呢件事我都係半信半疑。發現懷孕直到12周,我都係處於食完嘔、嘔完食既狀態,加上我們兩公

果醬媽發現自己懷孕既時候已經8-9周,在此之前當然亦都無戒過口,但一樣生左個健健康康且為食既小寶寶。所以,關於戒口呢件事我都係半信半疑。發現懷孕直到12周,我都係處於食完嘔、嘔完食既狀態,加上我們兩公婆都要返工,又無長老幫手,所以除左放假,其他時間都好難食得好健康,而整個孕期我都係抱住「想食就食,量不過多」的準則。當然,有D媽媽因為各種其他因素而需要戒口就另計。 1. 唔飲、唔食高風險食物 如果話戒口,嚴格黎講,我戒既就只有「咖啡、生食、未經消毒處理的雪糕」。唔飲咖啡係因為我本來無特別好咖啡,再者係因為驚攝取過多既咖啡因。事實上,有好多醫學研究都講明懷孕媽媽可以飲咖啡,但要注意咖啡因的量,由於果醬媽無特別戒口,有時會飲下珍珠奶茶、可樂,所以就避開無特別鍾意既咖啡囉。至於生食同未經消毒處理的雪糕,主要因為驚有沙門氏菌、李斯特菌,所以我基本在懷孕期間都無食生野,有時真係好想食雪糕就會買杯裝既黎食,食細細杯止下渴咁。 2. 好好笑之有人話「香蕉都唔可以食!」 有左BB,有時會好想食某D野或者好唔想食某D野,其實懷胎十月已經唔容易,我真係諗唔到有咩好既理由黎禁制自己,最多咪食少D,例如我個陣都照食西瓜,但每次只係食一碗份量(營養師既說法係因為要避免攝取過多果糖!);海鮮個D我都會食,照正常份量食;有一排好鍾意食薯片,我都會食一細包;就連珍珠奶茶都照飲,但就飲鮮奶珍珠奶茶。 3. 蒸飯唔叮飯 事實上隔夜飯好唔健康,但成日出街食都會食到好厭,如果真係帶飯我就會揀蒸飯唔叮飯!都係個句,不論懷孕定產後,做個開心既媽媽好緊要!媽媽心情好,BB都會感受得到!