副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

寶寶睡眠管理~養成良好習慣

以我所知大部分寶寶都有睡眠障礙無法自己入睡。果然我家孖吉出生後除左初生時食飽就訓,過左幾個月後都係唔能夠自己訓嘅,每次睇到孖吉揉眼又不斷打喊露,左look右look都係訓唔到,攪到又喊晒口,到最後都要

以我所知大部分寶寶都有睡眠障礙無法自己入睡。果然我家孖吉出生後除左初生時食飽就訓,過左幾個月後都係唔能夠自己訓嘅,每次睇到孖吉揉眼又不斷打喊露,左look右look都係訓唔到,攪到又喊晒口,到最後都要出動到爸爸抱著哄睡先得。 但是,咁樣大人第二日返工都冇晒精神,身體質素越來越差啊! 幾個月前去聽左一個關於睡眠訓練既講座,大致如下: 1)寶寶越早訓練越好,大概3個月左右開始,因為依個時候既BB都可能戒左夜奶,可以一覺訓天光; 2)最好讓寶寶有獨立房間,或在床邊安裝CCTV方便監測; 3)Ferber Method逐漸延長間隔時間入房檢查孩子既狀況,不管入房之後孩子的反應如何,確定孩子安全之後,就離開房間,下一次間隔時間到,再次入房檢查。 例子:孩子放BB床後離開(依個時候佢一定喊緊), 5分鐘後入去安撫佢, 2分鐘安撫時間後再離開;隔8分鐘再入去, 2分鐘安撫時間後再離開;如是者將間隔延長,上限30分鐘 (剛開始訓練時孩子一定會反抗,比如佢越喊越耐,喊到嘔等用來吸引家長注意嘅手段都可能會出現。所以家長要有心理準備。)   我就試過用以上既Ferber Method黎訓練4個月既孖吉訓覺,最初佢同預期一樣係咁喊,安撫完都係喊。 幾日後明顯好左,喊完第一輪就可以自行入睡。 但係我覺得當孖吉越來越大時就未必適用,因為佢訓訓下醒左可以坐係度企係度,而我屋企唔大冇獨立房俾佢,自然佢張BB床係我隔離,佢就企係度一直叫或者一直喊,所以我地都係冇覺好訓。 最後我地決定還原基本步,每日都幫孖吉養成良好既睡眠習慣:- 1)儘量係晚上9-10點前訓 2)訓前會俾佢聽下歌 3)同佢沖個靚涼 4)關燈同將音量收細 5)飲一枝飽飽既奶 6)欖佢最愛既軟枕 再拍幾下佢既PatPat, 佢就好快入睡啦,咁當然孖吉有時訓訓下會醒左,咁我地唯有再去安撫佢先可以訓~~ 其實冇一個最合適既睡眠方法適合所有小孩,畢竟每個小孩個性狀況不同,媽媽先係真正了解邊種方式最岩自己孩子既人~各位媽媽加油呀~     Email: qqyanyan@gmail.com IG Follow: qq_chinchilla 專頁: 孖吉的成長日誌 MamiBuy Esdlife