副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[新手爸媽]把豬隊友訓練成神對友

做左媽媽之後,最驚就係成為「偽單親」。的確,好多時有左小朋友,做到一腳踢既通常都係媽媽,BB醒時係媽媽、陪玩既係媽媽、餵食既係媽媽、扭計時又係媽媽、眼訓都係搵媽媽。而豬友好多時就係「出口唔出手」或者抱

做左媽媽之後,最驚就係成為「偽單親」。的確,好多時有左小朋友,做到一腳踢既通常都係媽媽,BB醒時係媽媽、陪玩既係媽媽、餵食既係媽媽、扭計時又係媽媽、眼訓都係搵媽媽。而豬友好多時就係「出口唔出手」或者抱住電話打機,作為媽媽,睇到咁既場面都只會「眼火爆」,所以有左BB之後,媽媽好難唔燥底。但係咁落去並唔係辦法,為左家庭幸福,一定要將豬隊友訓練成神對友! 1. 分擔簡單工作 對於爸爸黎講,一開始面對住BB好容易束手無策,果醬爸都唔例外,當BB扭計時甚至無咩耐性處理。但咁係咪代表爸爸就可以推晒D野畀媽媽呢?絕對唔係!其實如果爸爸覺得照顧BB有難度,大可以先由幫下手沖奶、洗奶樽、洗衫仔、家務等其他方面幫手,減輕媽媽既負擔。有時媽媽起身餵夜奶,爸爸都可以陪下太太,陪伴其實已經係分擔緊太太的情緒。 2. 一定要畀機會豬隊友嘗試 見到豬隊友對住BB牙痛咁聲,媽媽「眼火爆」之餘,千萬唔好就咁算,要畀豬隊友試!試幫BB換片、餵奶、沖涼等等,一定要畀佢落手落腳做過,佢先會明媽媽有幾唔容易!其次,唔畀佢練下,下次有咩都係會叫媽媽做。果醬爸咩都試過,就係唔敢幫BB沖涼,但當我幫果醬B沖緊既時候,佢一定會一齊,幫手遞下毛巾呀咁,有時我就會「借D易」等佢試幫BB沖,試過後佢知唔係咁難/咁恐怖,而家我唔得閒就會由佢幫BB沖涼(即係媽媽已經得逞啦!)。 3. 唔好過份依賴姐姐或長老 好多時有姐姐或長老幫手,即係有人分擔左照顧BB既事情,好多時爸爸媽媽都可能會因為咁懶左。但係,咁係一個非常唔好既習慣。果醬媽同果醬爸都係要返工,有時放工返到屋企都已經好累,但係我地都會親自湊同同BB玩,直到BB訓教為止。所以到左姐姐放假既日子,自己湊起黎先唔會「拿手唔成勢」。 4. 適時放下媽媽break 做左媽媽之後,真係有感「為母則強」,日日唔夠訓之餘仲要返工,都好似鐵打咁頂住!之前由長老湊,就算放左工同朋友食飯都會食得唔安樂,趕住返去接力,久而久之就寧願唔出食飯;放假又會自己湊返BB,做媽媽根本就唔會有假期。好彩既係有個幫得手既姐姐,而家夜晚可以同朋友出去食飯、聚下,唔洗心掛掛,甚至可以放低呀B畀姐姐一陣,兩公婆去拍下拖,適時放下break,對媽媽黎講好緊要! 5. 給各位爸爸的說話 不論大家係好ready或者未ready咁迎接BB既到來,BB黎到呢個世界,最親既人就係父母(唔係只得媽媽!),所以除左搵錢,對BB樣樣野都親力親為都好緊要。有時候對太太多點體諒,唔好事無大小都叫媽媽出手,最忌真係自己坐係到「出口術」叫媽媽搞掂BB!可以既放左工返到屋企,放低手機陪下屋企人,所以果醬媽既rule 1就係「除左影相,夜晚要等BB訓左之後先可以用電話」。 6. 給各位媽媽的說話 無人天生識湊B,爸爸也好、媽媽也好都係一路湊一路學,有時候媽媽都要體諒下爸爸,唔好被情緒影響,可以既多D同爸爸一齊去做,引導下佢、鼓勵下佢。育兒之路很漫長,兩個人一定要同步、互相扶持,照顧好親子關係之餘,亦要照顧好夫妻關係!希望各位新手爸媽共勉之。