副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【親子好去處】觀塘工廈新開親子餐廳 Jungle King

觀塘區近期真係有好多playhouse/party room/親子餐廳,今次我地來到仍然係試業期間既Jungle King,地點係相當為人熟悉既駱駝漆大廈,距離地鐵站只需7-10分鐘路程,開源道更有屯

觀塘區近期真係有好多playhouse/party room/親子餐廳,今次我地來到仍然係試業期間既Jungle King,地點係相當為人熟悉既駱駝漆大廈,距離地鐵站只需7-10分鐘路程,開源道更有屯門沙田等巴士有站可落,屬於方便親子活動地點 一入場其實感覺幾好(我係第一位人客到)我早到2:45到,因囝囝訓左覺,自己又大肚,我唔想係樓下等就膽粗粗上去問,可唔可先入座比我等待,職員都好好叫我先坐,同因為清潔中叫我小心地滑 3點開始,陸陸續續有其他客人小朋友到,囝囝都因為開始多人就醒左 一入到波波池,囝囝就講左句????點解呢度咁少波波(事實上波波的確比一般場地少)     有兩個方法攀爬上滑梯, 從左邊繩網上或用車呔攀石陣上   經過小吊橋,可到旋轉滑梯            靜態區:粉筆板牆(牆上有子母、動物及世界名勝磁貼)不過個人就不太喜歡這個,因配套設施做得不足,有6支粉筆套,但只有2支係用到,其他已爛,就算唔用筆套想就咁用粉筆劃,都無 粉刷係刷唔到????要用掛起更高位置既濕布去刷(小朋友自己係取唔到)       不過對過愛畫畫既小朋友來講,有咁大塊粉筆版牆的確開心   另有小量桌面遊戲   lego牆     男男女女都愛既廚房   唔夠一小時所有小玩具已凌亂不堪  我地尋日去全場爆滿,可能因為係復活節假加上星期六, 淨係小朋友估計大概有25至30人,當中更有一班6至9歲兒童,基本上小b們係唔夠佢地玩,大人們係唔會理會, 波波池內太擠迫大人唔方便進去每一步睇實,所以如果大家來潮聖,建議唔好帶1歲以下bb,盡量避免假期人多擠迫  試業期間可自攜食物飲品到場進食(不另收費)或可參考餐廳內餐單 場內有獨立育嬰間,另門口有一個小圖書角(真係好少,得10本書左右)     Jungle King 地址: 觀塘開源道駱駝漆大廈1座12樓C室 電話: 6886 6395(可whatsapp) 收費:【試業期間】入場費每位$40 (大小同價) 1歲以下免費 ,每節任玩3小時 每個時段 Max 60人(我估我尋日就係????) 只接受預約及現金 營業時間 : 星期一 :休息 星期二至日 : 11:30 – 21:30 每日時段 : 早場 : 11:30 – 14:30 午場 : 15:00 – 18:00 晚場 : 18:30 – 21:30   fb:三個男孩一個家