副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

當了媽媽後成為「玻璃心的方丈」

還未做媽媽嘅時候,我係一個唔會理其他人講乜,我行我素嘅人。把口生係你度,你鐘意講乜咪講乜囉,唔關我事嘅心態。自從做了媽媽後,特別係關於孩子嘅議題,我漸漸發覺自己好小氣同好玻璃心。有陣時d親戚們或有經驗

還未做媽媽嘅時候,我係一個唔會理其他人講乜,我行我素嘅人。 把口生係你度,你鐘意講乜咪講乜囉,唔關我事嘅心態。 自從做了媽媽後,特別係關於孩子嘅議題,我漸漸發覺自己好小氣同好玻璃心。 有陣時d親戚們或有經驗之人士會講埋晒d無稽或荒謬嘅育兒資訊黎「教育」我。 我其實可以唔理佢地,但係俾佢地攪到我好似唔係一個好媽媽,專虐待個仔咁。。。   例子1 - 一到乾燥天氣孖吉臉頰兩面好易乾同紅。我媽同其他唔識嘅三姑六婆見到, 就話孖吉個阿媽冇俾野佢查Cream咩,攪到佢又紅又乾........ (其實作為媽媽嘅我仲擔心過你地啦,一空閒就俾孖吉厚敷啦,天氣的錯都是媽媽的錯?!)   例子2 - 每朝返工前我都會煲定粥等孖吉婆婆黎餵, 婆婆話孖吉有時食食下會想作嘔,就話我d肉碎好大粒,成日都話「唔食你d野」 (頓時媽媽我玻璃心又黎,明明臨訓前都已經準備好切碎打蓉,尤其孖吉依家開始可以進食粒狀嘅食物,應該放膽俾佢試下依d質感,但婆婆覺得我好大意唔細心,會整親佢個孫)   例子3 - 買左條新嘅牙膠俾孖吉咬,婆婆嘅鄰居見到又話個d粒粒得唔得嫁?會唔會甩左出黎哽親嫁? (唉。。。唔通我特登買黎哽親佢。。。無言。。。)   其實有好多好多例子都令我好無奈,又翻晒白眼。 有幾次我都死忍就算,但重覆又重覆地踐踏我底線個時,我真係忍唔住開火 所以其他人或許會覺得我好小氣,唔接受批評咁。 但每次當我努力為孩子做任何一件事嘅時候,都會有人係度俾負能量我。   其實每個媽媽都唔需要外來人嘅支持或鼓勵 但可唔可以唔好再用你地嘅尺去量度媽媽呢 媽媽我想閉起耳朵,不想再聽批評,只想聽聽孩子嘅笑聲~~~   Email: qqyanyan@gmail.com IG Follow: qq_chinchilla 專頁: 孖吉的成長日誌 腳印: MamiBuy Esdlife