副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

有咩炒米茶岩坐月個陣飲?

孕媽媽階段畢業在即,新階段即將開始,到時初為人母坐月係重要一環,無好既身體點照顧好BB、點提供到人奶俾BB!雖然我係新手媽媽,但對自己坐月就早有準備,由炒米茶到坐月食咩都有好好規劃。今晚先講呢個炒米茶

孕媽媽階段畢業在即,新階段即將開始,到時初為人母坐月係重要一環,無好既身體點照顧好BB、點提供到人奶俾BB!雖然我係新手媽媽,但對自己坐月就早有準備,由炒米茶到坐月食咩都有好好規劃。今晚先講呢個炒米茶! 坐月唔飲得水?!要飲茶?! 大部分孕媽媽產後,身體都會變得虛弱,會較『寒』。而生水屬寒涼,產後媽媽飲水腸胃會容易唔舒服,岀現胃脹、尿頻、便秘、腳腫等情況。所以建議媽媽們產後飲用炒米茶代替水。炒米茶可以係呢段期間加強媽媽既新陳代謝,舒援身體不適既情況仲可助媽媽們補充體力,特別對餵人奶既媽媽重要,因為人奶有80%係水份,想容易上奶其中一環就係要飲用足夠既水份,炒米茶比起水容易被身體吸收,又有調理效果,所以係坐月其間除保身湯水,月子餐外,炒米茶同樣重要,係唔可以忽視架。 幾時開始飲,飲到幾時? 無論順產、開刀都可於第一日開始飲用,通常建議最基本飲用到坐月為止。而我呢位媽媽會建議坐月後都keep住飲用,直至餵母乳完結! 坐月可分幾個階段,剛開始坐月,無論順產定開刀既媽媽係惡露未清前都不宜進補,由於每個媽媽體質不同,清掉時間大有不同,多約在第21天後清掉!   以下係我為自己準備既炒米茶材料! 我用三色米作炒米茶基礎,各種米有不同功效能更顯著去水腫及幫助修身,另外用糙米代替白米,因糙米比白米低糖及營養價值更多。   紅米-養心、補血 黑米-補腎 糙米-健脾、補脾 陳皮-健脾、行氣 圓肉-止血安神、益心脾、補氣血 杞子-補肝腎、益精氣、改善面色、明目安神 南棗-補中益氣、養血安神 黨參-生津養血 北芪-補氣、增強免疫力 炙甘草-潤肺、解毒、調和 通草-下乳汁 頭1日至10日 三色米+陳皮 第11至20日  三色米+陳皮+圓肉+杞子 第21至30日  三色米+陳皮+圓肉+杞子+南棗 第31至45日  三色米+陳皮+圓肉+杞子+北芪+黨參 第46至60日  三色米+陳皮+圓肉+杞子+炙甘草+通草 方法: 1. 白鑊炒三色米,炒至漲身略帶微黃色,開爆谷花 2. 陳皮剪成片狀、北芪、黨參、南棗、剪成粒狀備用 3. 準備好茶包袋將材料(每天2包)分別裝好   註: 一包茶包可重覆泡焗2-3次。 順產/剖腹產,及母乳餵哺媽媽都合適的 記得要存放於陰涼乾爽的地方