副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

High chair 大比拼

High Chair 大比拼Ikea 款既high chair 詳細產品說明如下https://m.ikea.com/hk/en/catalog/products/spr/99067497/我諗Ike

 High Chair 大比拼 Ikea 款既high chair   詳細產品說明如下 https://m.ikea.com/hk/en/catalog/products/spr/99067497/ 我諗Ikea餐椅媽咪們都唔會陌生 佢唔可以平訓,得一個坐姿度,初生唔岩用,無轆,真係只for 坐喺度食嘢,所以好多餐廳都用佢。雖然同其他兩款設計唔同 ,但由於晞晞三張都有用過,呢一張係佢學坐時坐得最好既一張,加餐枱自己食嘢,坐得穩唔會”扇”,不過佢身材瘦,所以會有空位會浪下浪下,加咗Ikea high chair背墊就完全坐得好好,而且枱邊設計可以兜住啲食物殘渣,唔怕一嘢掃落地。而價錢都係最平,餐椅$199+餐枱$50+背墊$79.9 = $328 仲有ikea岀咗款新餐椅,你地都可以上佢網站見到! 淘寶high chair  詳細產品說明如下 http://m.tb.cn/h.WCBpZep 淘寶呢張餐椅下面有得置物,方便擺嘢,又容易摺埋,調節高低,有餐枱,但係係pu皮革料,夏天坐完焗到成身汗,要加個涼墊。晞晞唔係咁鍾意坐,學坐嗰時每次食到個身歪哂,張餐椅無ikea嗰張可以坐得咁直,而且我感覺個轆麻麻哋,唔係經常鎖得到。話雖如此,但初生都可以平訓到,又可以130度餵奶,但佢最直係100度,而晞晞大左開始想坐直,所以只有用過一排。直送香港$90蚊人仔運費加埋大概$4xx Combi款既baby star chair   詳細產品說明如下 http://babystar.com.hk/for-baby/high-chairs-boosters/hi-lo-swing-highchair-bs9880p Combi款係好岩初生用,因為佢係可以平訓,而且仲有手動搖椅功能,轆可以鎖,有幾個靠背度,雖然價錢起碼過千,不過物有所值,坐到約4歲都得!當時俾呢個粉紅色吸引咗我買 ,由於佢本身都有餐枱,加固嗰陣可以俾佢自己食嘢,但椅墊質地係棉,啲汁彈到要洗,或許加個防水椅套會好啲。 學坐嗰陣又係坐到歪哂,因為張椅靠背最直不是90度,不過大個咗坐得好啲,比淘寶款嗰張坐得更好!不過三張椅黎講呢張係尺寸最大、價錢最貴、用途最多既一款。   三張餐椅總結我最喜歡ikea既,雖然初生唔岩用,但佢唔會hea坐食唔到嘢,坐得直啲,第二就係baby star既餐椅,因為由bb用到大個都仲得,價錢雖過千但一舉兩得,不過就要諗下點擺因為大張,最後淘寶嗰張就初生都用得,坐月嗰陣有親戚黎探bb唔洗抱岀抱入落bb床所以我就會鍾意買啲平訓到既餐椅,但個轆鎖得麻麻地,大啲識轉身建議唔好用平訓功能,三款既安全扣都係緊既,唔容易鬆開,都算合格啦! 歡迎聯絡參與產品試用/邀請活動/邀稿  Email: cherrychung.k@gmail.com  請讚好我們專頁: Hailiah媽媽爸爸Diary