副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【齊來PikaPika】Pokémon嘉年華@時代廣場

Pokémon可以話係老少咸宜,一代傳一代都咁受歡迎嘅卡通人物!點解會咁講?我記得讀書時代曾經鍾意過比卡超其中一隻精靈,前排唔知大家有冇玩過Pokémon GO?興極一時!

Pokémon可以話係老少咸宜,一代傳一代都咁受歡迎嘅卡通人物!點解會咁講?我記得讀書時代曾經鍾意過比卡超其中一隻精靈,前排唔知大家有冇玩過Pokémon GO?興極一時!有人玩到一日可以行咗數十公里路,朗朗果陣都係其中一個迷呢隻game嘅人,不過好彩未迷到跌落河咋!近排又興去冒險樂園打果部會出遊戲咭嘅Pokémon機,晴朗爸爸都幫朗朗投資咗唔少學費㗎!辛苦晒!真係佩服呢套卡通片,可以興足咁多年!晴朗爸爸一早收到風,時代廣場將會變成為Pokémon迷潮聖之地。事前都唔知有咩嘢玩,但估唔到可以玩咗大半天,晴朗都過足咗比卡超癮呀! 嘩!一到達時代廣場就見到5米高嘅比卡超響鐘樓旁邊喇!好好好巨型!睇到晴晴興奮個樣嘛?*o* 而大電視螢幕果邊,就有4隻1:1嘅比卡超,好可愛呀!比卡超森林背景都設訴得好靚!晴朗仲數得出森林中總共有22隻比卡超添!每隻都有唔同表情動作,小心被佢哋電親呀! Pokémon訓練員are you READY?? 即將要接受唔同考驗,一齊嚟盡顯所長啦! 考驗一:幸運拉到寶 每次可以拉5條繩,5個機會之中如果能夠拉中3個一模一樣嘅精靈就嬴喇! 似乎要靠啲運氣,但晴朗都異口同聲話好容易玩,究竟佢哋用咗咩嘢秘技,真係要佢哋先知喇!@@''' 考驗二:小火球攻擊 每按1下掣就發出1球,每次可以發4球 4球加埋嘅數字如果大過或等於10就算嬴喇!朗朗又好好彩咁達標,不過晴晴就冇咁好彩喇!呢個遊戲失敗咗~>_< 不過唔緊要,過去玩埋終極考驗先! 考驗三:十萬伏特電擊 每人可以將比卡超公仔拉彈3次 3次之中如果能夠中1紅洞同1藍洞就算嬴! 每嬴一個遊戲都會有一張貼紙送,每日款式都唔同㗎!1/5-20/5會係呢3款遊戲,21/5-10/6會轉換另外3款遊戲,想玩齊晒所有遊戲睇怕都要嚟兩次喇!^^ 同場亦設有電子遊戲區,可以玩到最新嘅比卡超電子遊戲。老實講,呢方面晴朗比我熟行,好易上手,而且仲要玩得勁高興!好似執到金咁呢?XD 鍾意影相嘅!記得去埋隔離嘅影相區同比卡超 & friends合照一番喎! 呢隻肥嘟嘟嘅叫做卡比獸,好似話佢好鍾意食嘢㗎!唔怪之得咁大個肥肚dum啦!XD 唔同精靈都嚟到小島一齊盡情狂歡,好熱鬧呀! 晴晴話呢隻叫做背背龍,係最可愛嘅精靈嚟呀! 而呢隻叫做蚊香蝌蚪,係最善良嘅精靈。晴朗可以講出每隻精靈嘅名稱同屬性,我...其實係咪應該去進修下比卡超百科呢?XD 如果讀書都咁好記性就好囉!^^''' 5/5-20/5,6天嘅週末都可以見到比卡超現身於時代廣場,每天3場。上去時代廣場2樓客戶服務處就可以攞到比卡超見面會啲飛喇!見面會前1小時開始按人頭派發,想見比卡超嘅朋友就要早啲去攞飛喇! 登登登...登!萬眾期待,比卡超出場,簡直係全場哄動呀!Woo~ hoooooo~~ 晴朗一見到比卡超,興奮到拖住佢團團轉,差啲連影相都唔記得咗喇!@@''' 玩完一輪,終於可以企定定ready影相,哈哈!Pika Pika cheers~ ^o^ POKÉMON嘉年華有遊戲攤位、電子遊戲、1:1立體比卡超同5米巨型比卡超拍照區,仲有比卡超見面會。雖然唔係話好大型嘅嘉年華會,但已經足夠晴朗開心咗一整日喇!我哋排隊等候期間,見有啲小朋友拎住一張儲印仔咭,原來可以到時代廣場不同樓層收集20款唔同嘅比卡超印仔,完成指定任務就可以獲得6款特別版嘅蓋印。印仔咭上齊集所有印章仲可以換領特別版貼紙一張添!印仔咭可以響Pokémon遊戲館內向工作人員索取,不過每日數量有限,聽講早上10:00開始派發,10:30已經派晒!真係誇張呀!另外,26/5-10/6,6天嘅週末會有Pikachu跳舞派對,到時可以同6隻比卡超一齊盡情熱舞狂歡。適逢26/5係朗朗生日,已經按照佢嘅要求mark低咗同比卡超跳舞係生日活動之一喇!各位比卡超迷都不容錯過!快啲嚟到時代廣場同比卡超一齊Pika Pika啦! 香港時代廣場「Pokémon嘉年華」 日期:2018年5月1日至6月10日 時間:早上10時至晚上10時 地點:香港銅鑼灣 時代廣場 露天廣場 「Pokémon嘉年華」週末精彩活動 Pikachu見面會 日期:2018年5月5、6、12、13、19、20日 時間:下午3時、4時45分、6時 (每次20分鐘) 6隻Pikachu跳舞派對 日期:2018年5 月26、27日及6月2、3、9、10日 時間:下午3時、4時45分、6時 (每次20分鐘) 活動詳情:http://www.timessquare.com.hk/tch/event_detail.php?event=523   FIND US on:         BLOGs:   CONTACT US: