由於孖吉媽媽係在職人士，所以平時多數由孖吉嘅婆婆幫忙照顧孖吉。 間唔事就俾婆婆放下假，由嫲嫲接手。 喺依9個月期間，感謝婆婆同嫲嫲無微不至咁照顧孖吉，令在職嘅我好放心。 又成日帶佢周圍去玩，去認識同學習唔同新事物。 每次放工返去都見到孖吉一點一點嘅進步真係好感恩。   媽媽(孖吉婆婆)篇 記得孖吉住左8日NICU, 只可以俾爸爸媽媽進入，所以婆婆由孖吉出世8日冇見過粒孫一眼， 所以孖吉一話可以出院，我就叫埋婆婆一齊接佢出院啦。 婆婆第一次親手抱個孫（眼眶好似有點眼濕濕），一直護送我地返屋企，全程愛不惜手， 絕不假手於人。   孖吉出院後一直由婆婆及媽媽照顧，因為我要坐月，所以我2母子都好依賴婆婆。 全靠婆婆喺度，孖吉同媽媽我都好安心，婆婆一走又或者遲黎，我就會好驚慌， 驚孖吉又唔知幾時冇啦啦大喊，但婆婆又覺得冇乜野，個孫喊聲永遠最好聽～   孖吉越大個就越難攪，要氹好耐先肯訓，我同爸爸都攪佢唔掂， 婆婆一出手，又抱又揹，真係好快氹到隻衰豬訓覺，佢訓著左就一天都光晒（哈哈）。 我同孖吉爸爸都自愧不如。。。。   奶奶(孖吉嫲嫲)篇 成日都聽到人話新抱同奶奶鬧大交，互相不滿......感恩我有個好奶奶 奶奶喺我坐月期間為我準備晒食材，又間唔時煲燉品俾我飲。 因為嫲嫲要返工，所以佢一放假就會抽空過黎照顧孖吉，好等婆婆休息一下。   嫲嫲最鐘意帶孖吉周圍去，去遊樂場放電，又鐘意得閒自己一個去幫孖吉置裝， 或幫忙買加固食品。而且嫲嫲好著重衛生，所以會為孖吉添置乾淨同有機食材， 又會為我地清潔屋企，務求希望孖吉健健康康成長。   因為孖吉間唔時要入醫院做檢查或去健康院打針， 嫲嫲都會特登請假儘量陪埋我地一齊去。 所以嫲嫲喺度個時，我地都唔會話要爭住自己揍返孖吉， 嫲嫲都已經好少見到個孫，所以我明白佢想見多D同抱多D個孫...   感恩孖吉有愛錫佢嘅嫲嫲同婆婆，喺依9個月期間， 嫲嫲同婆婆都陪伴孖吉一齊成長。 而孖吉媽媽都見証住嫲嫲同婆婆因為孖吉嘅出現而轉變。 未有孖吉前我同媽媽/奶奶都冇乜話題，自孖吉出世後，我地明顯健談左 （雖然話題總離不開孖吉） 真係好感激孖吉嘅出現令我家圓滿，更令我家人一團和氣   所以我想藉著母親節代表孖吉向嫲嫲同婆婆表達我愛妳們的心意～～～ Email: qqyanyan@gmail.com IG Follow: qq_chinchilla 專頁: 孖吉的成長日誌 腳印: MamiBuy Esdlife Ohpama