副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【明星專訪】楊卓娜培養囡囡閱讀習慣「先從繪本開始」

不少人都話,父母是孩子人生中的第一個老師、是學習的榜樣,而楊卓娜就是囡囡的閱讀導師。

  不少人都話,父母是孩子人生中的第一個老師、是學習的榜樣,而楊卓娜就是囡囡的閱讀導師。   早前藝人楊卓娜(Lenna)就同8歲的囡囡舒然一齊出席香港小母牛的活動,宣揚培養小朋友閱讀習慣。問到囡囡鍾唔鍾意睇書?Lenna就話「舒然都愛讀書,除此之外都喜愛繪畫、聽歌及彈琴,(囡囡好文靜喎) 哈哈,其實舒然都有好動一面,喜愛跳繩及潛水等戶外運動。」   Lena話「親子共讀」是個好好的親子活動   分享平時培養小朋友的閱讀習慣,她就話可能囡囡受自己影響「平時我都好鍾意睇書,同埋會收集圖書,尤其有時朋友去台灣旅行,因為台灣出刊社會出一些絕版書、二手書,所以都會托他們幫我帶回香港珍藏」同時Lenna會將閱讀變成一種習慣,平時會同小朋友訂一個reading time,同囡囡一齊睇書。   從舒然小時候就開始有閱讀習慣「如果怕小朋友好抗拒,就先由一些簡單的繪本開始,用有趣的故事去吸引佢哋,等小朋友長大,認識的字比較多,先再慢慢去加深難度,直到現在舒然已經每一日在學校都會自動自覺睇一本書了」   另外Lena都會一星期抽幾晚時間,陪囡囡一齊親子共讀「平時工作咁忙,好好利用親子時間,陪囡囡之餘,佢遇到唔明白仲可以即時問我」Lena就認為,透過閱讀,是一個訓練小朋友耐性的好方法「睇書的時間,心靈會得到平靜,能夠舒緩壓力」   問舒然是否媽咪的小粉絲?她笑言是,楊卓娜指囡囡給她很多意見,特別是衣着方面:「佢話志願係做時裝設計師,不過過多兩年可能又會轉,好鍾意幫囡囡買衫,但佢會叫我唔好買,好有主見!」   被媽咪講出志願,舒然即時有點難為情   隨了閱讀之外,平時的親子活動囡囡都好中意同媽咪煮嘢食     鳴謝:香港小母牛