副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

係愛呀//我怎麼捱得過個8個月嘅飲食?

我係一個膽小嘅媽媽,怕食藥怕抽血,為左呀B呀B,我要變得勇敢。

我係一個膽小嘅媽媽,怕食藥怕抽血,為左呀B呀B,我要變得勇敢。 第一次去產檢時,醫生已認真同媽媽講,陀孖胎有好高風險嘅妊娠糖尿同高血壓,孕程要少鹽少糖(基本上懷孕令胃口改變,食甜野會反胃,少鹽就難啲啦),控制食量。自此以後,媽媽嘅飲食就變成咁... 自製餃子有菜有肉有澱粉質,水果、菜補充維他命C,最重要係每日兩隻蛋補充紐磷脂,維持細胞健康。兩兄弟,一人一隻蛋,冇偏心架。 食清啲,呀B呀B健康啲!以前忍唔到口,夏天一定要飲凍野食雪糕,身體唔係好好。搵中醫調理一年,開始飲熱野(雪糕戒唔到!哈哈)習慣左就冇咩問題,有助暖宮。所以懷孕嘅時候都選熱檸水唔落糖,已經好好飲。留番兩塊檸檬,全日沖水飲,有助補維他命C。 懷孕初期,行得走得,偶爾同屋企人朋友出去食飯可以放鬆心情。咩都食,除左蟹、芒果、菠蘿呢啲濕毒易致敏嘅食物。生冷野、雲耳、辣野都戒,少食炸野。 中期比較辛苦,媽媽每日嘅目標係食得瞓得pooh pooh得。哥哥搶細細嘅營養,為左長胎,有多餘嘅營養俾細細,胎太大頂住都要食多啲均衡營養食物。留係屋企養胎,屋企人買料番黎打下邊爐,Tup下我地三母子開心。整三文治都選能長胎嘅牛油果,下次產檢細細成功重左達標。 但有時都忍唔到口...我會偶爾為pizza、熱浪破戒,為自己加加油﹗ 接落黎嘅食物,其實大部分時間都係得兩三款顏色。值得一提嘅係,媽媽奶好難飲,我轉為每日飲兩包牛奶/高鈣豆奶。有數唔完嘅媽媽奶sample,久唔久飲下。媽媽奶開麥片,較易接受,麥片又可以通便。 同時食多啲補鐵補鈣、高纖嘅野。 忍得耐,定左開刀日期又慶祝下。 媽媽用心經營孕期飲食,都係想B呀B健康啲。有好多想食嘅野整條list望下啦唯有。 連奇異果都感受到我對佢地嘅愛♡ 托賴呀B呀B而家近11個月大,只試過冬天感冒一次,打針都未試過發燒。佢地細細粒,但骨骼好強健!   #新手媽媽歡迎俾意見 #交流嘅好處 fb.              哥哥細細 //小眼睛s看世界 ig.              cannyahn