副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

魚媽之人奶路分享(健康院)

餵母乳除左起步難..相信好多媽媽都遇過乳腺炎:(分享下我呢幾個月人奶路遇到既問題同解決方法....記得魚B差不多一個月既時候 , 有晚我餵完奶同魚爸食晚飯既時候..突然左邊胸好似有針吉落去咁痛,隔一陣

餵母乳除左起步難..相信好多媽媽都遇過乳腺炎:( 分享下我呢幾個月人奶路遇到既問題同解決方法.... 記得魚B差不多一個月既時候 , 有晚我餵完奶同魚爸食晚飯既時候.. 突然左邊胸好似有針吉落去咁痛,隔一陣又再有咁既感覺.. 初時以為自己太粗魯泵奶,所以先會痛.. 一路痛到半夜餵奶比魚B,發覺乳頭有D紅腫,但係無損到既... 魚B啜奶既時候我就好似比一堆針吉落去一樣..:( 我就上網搵資料,個徵狀似係"乳頭念珠菌".. 咁0岩第2日我就要帶魚B去健康院.. 健康院既姑娘醫生好好,知道媽媽係母乳餵哺都會關心下有冇咩問題或者唔舒服.. 醫生幫我同魚B檢查,媽媽就檢查乳房,而魚B就檢查口腔.. 因為如果媽媽有乳頭念珠菌而傳染左比BB,BB係會有鵝口瘡 (有興趣想知咩黎上網搵圖片:P 因為有D核突我唔POST出黎喇) 檢查完好彩BB無鵝口瘡,但我就10成9係"乳頭念珠菌" >_< 醫生就開左藥膏比我搽,另外魚B都要搽藥水0係係口腔..防止感染. 我都有問醫生,點解會出現"乳頭念珠菌" >0< 醫生話其實人既身體都會有念珠菌,當我地身體抵抗力弱左就會入侵我地身體..:( (過份唔夠休息身體抵抗力就會差,所以準媽媽你地生完BB要多休息呀) "乳頭念珠菌"唔係幾日可以好番,需要兩至三星期,期間內衣褲用滾水浸殺菌.. 醫生仲提我要小心下陰都出現念珠菌:( "乳頭念珠菌"玩左我3星期,而魚B都會用左3星期藥水:( 念珠菌藥膏~ 有念珠菌期間既奶唔可以要 :( 而最近黎打攪我既係"母乳殺手乳腺炎" 因為魚爸既工作關係,番工係需要24小時制.. 佢番工就只有我同魚B兩個.. 個日夜晚我覺得抱魚B既時候個胸好痛..仲好似感冒作病,仲頭痛起黎.. 魚B瞓左我探熱.38.6>0<  摸下左邊胸,有一半都好硬.. 泵奶又泵唔出(平時左邊90ML ---得番30ML) 我都估到我應該乳腺炎..整晚都標汗又發冷..(好彩魚B戒左夜奶咋) 好不容易地到第2朝,魚爸番到黎幫我湊魚B, 魚B因為我塞奶既關係,花盡力都啜唔到奶,難免有D脾氣:( 我就9點正打去健康院搵救兵.. 約左下午2點去搵母乳姑娘..成個朝早都好似重感冒加個胸痛 :( 去到健康院母乳姑娘問左我平時奶量,魚B食量... 之後就入左餵奶房,母乳姑娘就幫手我將魚B對我面對面,對正塞奶位置比佢食.. 一吸落去個種痛...好似比人打腫左個乳頭再不斷拉扯..XD 餵完奶,好明顯係鬆左好多,個硬既位置亦縮細左.. 之後我再等見醫生...開左10日抗生素..:( 番到屋企我都好落力埋身,對準塞奶位置餵奶, 餵完奶冷敷10分鐘,大概3至4日我已經好得7788 啦~!! 諗番點解塞奶去到呢個地步,個結論係: 早兩晚因為太攰無起身泵奶(7小時)一起身泵已經好硬,而我又無泵清個乳房... 再加上乳腺炎個日既下午,魚B好扭計,我就飲豆漿,鈣思寶頂肚.. 呢D我平時都有飲開(我飲左係會有更多奶既) 但因為已經有D塞左,我再飲,個胸好多奶塞住出唔到黎而攪到乳腺炎:( 另外姑娘都有提及因為初期我追奶,令到奶量過多(魚B又食得小=.=) 所以一晚唔泵就已經好塞..建議我好番之後減產.. 不過因為乳腺炎影響,係我好番之後我左邊胸已經小左奶..(順道減產XDD) 曾經我爆晒雪櫃,其實無需要咁多...太多只會令自己不停谷奶:( 健康院好多支援,有任何產後, 母乳問題可以搵醫生姑娘幫你:)   聯絡我合作或試用產品:RUBY.1125@HOTMAIL.COM