「產前抑鬱同產後抑鬱」大概每個孕婦係孕期已有聽講過... 今次講既係產前抑鬱...產後抑鬱下回分解XD 魚媽大肚之前，一直都係大癲大肺... 開心樂觀既典型人馬座... 就算唔開心..半日就可以無件事.. 所以當時覺得咩抑鬱都好遙遠.. 亦唔會發生0係自己身上... 有左魚B之後..由第6週開始嚴重孕吐至14週..雖然短短兩個月..但不斷嘔..頭暈.. 難免會因為擔心影響肚入面既魚B而影響情緒..但當好轉情緒亦穩定落黎.. 直至懷孕中期(大概係26週)... 有晚我打比番緊工既魚爸投訴奶奶... 為既只係屋企好細微既小事... 我記得我係對話中途痴左線咁鬧魚爸... 收線之後我不斷係屋企大嗌... 將d野掉晒落地..之後係房喊左2個鐘... 而魚爸當時因為我無理取鬧無理我.. (魚爸嬲起黎，都唔小野XD) 第2日,我帶住紅腫既眼皮番工.. 整個上午都好頭痛..同埋不由自主流眼淚.. 當下就開始諗..究竟嘜野令到我會咁既情緒. 魚媽係做普通科診所..深知有病要醫.. 但又好懷疑自己只係一時發脾氣.. 定係有產前抑鬱.. 諗左一個上午..除左同家姊提及過之外... 就決定搵醫生傾兩句..因為我擔心我影響BB.. 只係講左第一句..我已經失控狂喊... 但係無原因..只係覺得好不安.. 由頭喊到尾..醫生都同我講... 賀爾蒙影響..會令情緒低落... 建議我同魚爸講..下午魚爸接我收工... 我講唔出，只有滴下眼淚.... 魚爸後尾主動問我做咩事... 我亦都好坦白答..我都唔知XD 只係知道個心好唔舒服..好想喊.. 魚爸就話咁咪喊囉..唔開心就喊..無問題架♡ 之後魚爸無帶我睇醫生..???? 而係做左我心理醫生..每逢放假.. 都會同我出去行下..買下野..食下野.. 一齊去聽下產前講座... 等我開心下..同我傾下計.. 同埋包容我突然既情緒失控... 幸好0係呢段孕期入面，尚算無再嚴重失控咁度過... 各位準爸爸..懷孕既媽媽好玻璃心.. 只係一句說話就可以激動起黎.. 一定要留意媽媽既情緒變化... 媽媽好需要你地0係身邊陪伴.. 未必要好似心理醫生咁開解.. 只要係身邊陪住...一個擁抱..已經足夠♡ 各位準媽媽..當發覺自己情緒有大改變.. 一定要同身邊既人講...唔需要怕.. 情緒會影響自己身體同埋BB.. BB係肚入面係絕對感受到媽媽既開心唔開心架♡   同時好希望大家唔好同個媽媽講.. "係咁架啦...生完無野架啦..." "EQ要高d..第時先照顧到BB" "睇開d啦..唔好成日喊..bb似你成日喊你就知 "   以上呢堆說話...其實幫唔到媽媽架...  有頭髮邊個想做癩痢吖 :( 孕媽身體有樣野叫賀爾蒙...會影響到孕婦情緒... 或者你比別人強，無受影響... 但不代表每位孕媽都一樣... 聯絡我合作或試用產品:Ruby.1125@hotmail.com Facebook:Hey 魚B之日常 https://www.facebook.com/Hey-%E9%AD%9AB%E4%B9%8B%E6%97%A5%E5%B8%B8-1883886395243403/