副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

自家製系列の給寶寶最好的護理—自製天然健康湯水!

於是,沙律媽媽就開始搵一啲天然嘅湯水/飲品,可以令到沙律B聲沙得到舒緩。

上一篇介紹左止咳殺菌燉紫洋蔥,今次要介紹下其他健康湯水。 話說沙律B咳左2-3星期,咳到聲都沙曬,見到都肉赤! 但沙律B仲細,好難俾到成藥佢食,而沙律爸媽都唔想佢藥佢食。 於是,沙律媽媽就開始搵一啲天然嘅湯水/飲品,可以令到沙律B聲沙得到舒緩。 再者,沙律B已經過左一歲,好多野都可以食用。 加上,沙律爸媽由沙律B 10個月開始已經煲儲涼湯水俾佢飲,以對抗一歲針 [舊文]!   以下就係幾款簡單飲品嘅做法,勁簡單,手殘都做到!   I: 蘋果雪梨水 [10M+已經可以飲用] 材料: 蘋果[1個],雪梨[1個],無花果[2粒],蜜棗[2粒],南北杏[少許],水 做法: 所有材料洗淨,蘋果雪梨去皮去心切件,將所有材料入煲,大火滾起,轉細火煲1個鐘 功效: 化痰,止咳,潤肺 注意: 小兒飲用唔需要加冰糖,如本身已經太甜,可以加水溝淡   II: 羅漢果水 [12M+已經可以飲用] 材料: 羅漢果[1個],無花果[2粒],蜜棗[2粒],南北杏[少許],水 做法: 所有材料洗淨,羅漢果一開四,將所有材料入煲,大火滾起,轉細火煲半個鐘,熄火再焗多陣 功效: 清熱止咳、潤肺化痰,利咽喉炎 注意: 小兒飲用時需要加水溝淡再飲,例如3oz羅漢果水加5oz暖水      III: 金羅漢果梨乾水 [12M+已經可以飲用] 平時見開果啲羅漢果都係比較深色,最近沙律媽媽見到金羅漢果,被極力推介,於是買左幾個試下 金羅漢果顏色相對比較淺色,而煲出嚟嘅飲品都係金黃色,味道同普通羅漢果唔好,好飲啲 材料: 金羅漢果[1個],無花果[1粒],梨乾[1片],南北杏[少許],水 做法: 所有材料洗淨,金羅漢果一開四,將所有材料入煲,大火滾起,轉細火煲半個鐘,熄火再焗多陣 功效: 清熱止咳、潤肺化痰,利咽喉炎,滋潤 **因為梨乾都比較甜,所以可以唔落蜜棗,小兒飲用都可以加水溝淡再飲 **有時可以加一粒紫花果,功效比無花果好,又比無花果再甜少少!   以上3款都係要煲半個鐘至一個鐘左右,同埋分量比較多,適合一家人飲用! 如果各位爸爸媽媽要番工,無咁多時間準備,以下就係簡單版本。 沙律B病好果幾星期,沙律爸爸朝朝都用15分鐘左右整俾沙律B飲用!   分別有蘋果紫花果水,雪梨紫花果水,陳皮紫花果水 [10M+已經可以飲用] 三款做法都一樣,但陳皮就可以隔夜準備好 [用水浸軟,刮囊] 材料: 今次選用紫花果,因為比較出味!陳皮用一小片已足夠,蘋果/雪梨用一個已足夠 下圖就係無花果同紫花果之分別! **Photo copied from health-food.hk 蘋果紫花果水做法: 所有材料洗淨,蘋果去皮去心切件,用少許水大火煲10分鐘,再入暖壺焗3個鐘左右 雪梨紫花果水做法: 所有材料洗淨,雪梨去皮去心切件,用少許水大火煲10分鐘,再入暖壺焗3個鐘左右 陳皮紫花果水做法: 所有材料洗淨,陳皮浸軟刮囊切片,用少許水大火煲10分鐘,再入暖壺焗3個鐘左右 **唔好加太多水,一個暖壺3/4已足夠! 只用15-20分鐘就完成,仲要好好飲!   注意事項: 1 - 無花果唔需要切件,要凍水落 2 - 蘋果,雪梨,無花果,要凍水落 3 - 所有飲品隔夜都唔好俾小兒飲用 4 - 所有飲品建議一星期飲用1-2次[唔同種類飲品],羅漢果水一星期一次已足夠   嬰兒用品系列︰ 如何選購嬰兒用品の消耗品篇! 如何選購嬰兒用品の奶樽奶咀與配件篇! 好物&癈物分享︰ 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法! 精明買物媽媽系列の嬰兒好物大分享 I 旅行系列︰ 小腳板走天涯の10m台灣旅行應該帶啲咩! 自家製系列︰ 自家製系列の小兒天然止咳殺菌良方—燉紫洋蔥! 自家製系列の打一歲針前應該煲咩儲涼湯水?! 自家製系列の嬰兒都可以食嘅生日蛋糕—沙律B生日快樂! 其他忙碌日常︰ 加固系列の嬰兒可以食咩零食?! 健康系列の如何應付寶寶の便秘問題?!