副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

神隊友真係可以訓練出黎?

其實不嬲柔爸都好願意參與照顧柔柔既工作,好感激佢係唔洗迫就做左神隊友幫佢沖涼呀,換片,帶佢去玩呀,帶佢上playgroup,通通都好肯做,其實我唔係一開始就咁放心架可能坐月個陣坐得唔好,生左3日冇訓過

其實不嬲柔爸都好願意參與照顧柔柔既工作,好感激佢係唔洗迫就做左神隊友幫佢沖涼呀,換片,帶佢去玩呀,帶佢上playgroup,通通都好肯做,其實我唔係一開始就咁放心架 可能坐月個陣坐得唔好,生左3日冇訓過,返到屋企柔柔唔肯埋身,每晚車輪式咁泵奶餵奶,日頭長輩車輪式探監,根本冇機會休息到,加上你知生完個人未回復正常,好多時都冇喇喇發瘋,唯一可以發洩既只有隔離嗰個會怪佢點解做少少都做得唔好,點解半夜得我起身,點解冇人陪我,點解長輩話我既時候唔幫我擋幾刀....好多點解.. 但其實你新手時,佢都係新手,你攰其實佢都攰,我明作成媽媽一定好緊張個小朋友,而爸爸本身就比媽媽就係冇咁細心,如果佢盡左力,咪退一步囉,既然佢都已經肯幫手....放過佢喇 上次既經驗話我知,有咩唔好即時講(當然係喺小朋友無危險嘅情況之下)搵機會等佢心情好嘅時候再話佢知..拿...其實呢,換片就咁咁咁既,因為咁咁咁...我發現咁樣佢會比較入耳,而且冇咁有hard feeling 依家柔爸充滿咗經驗值,加上柔柔開始大,10個放心比柔爸處理佢所有野,有時甚至做得好過我 睇來呢胎我可以放心unun 腳等生喇(你就想) 神隊友不需要刻意打造,緣份到了自然就會做到