大家有冇諗過⋯其實，男人都會有產後抑鬱症？ 試想想由太太們懷孕到分娩，其實先生們都承受巨大嘅心理同生理上嘅壓力。尤其係生B前未有自己住所嘅家庭，準爸爸們將會係獨力承受嘅一位。岳母大人比壓力，準爸爸們責任感驅使下壓力倍增。直到太太們順利分娩，爸爸們又要番工，又要半夜起身幫手湊B,又要供樓，又要養車。有一日⋯我老公聽左個銀行打黎sale低息貸款嘅電話，我老公佢好激動講：「我依家差人幾百萬，你係咪幫到我呀？」我當下諗⋯佢係咪太大壓力？唔識緩解。 再講，婆婆們都會比巨大壓力爸爸。怕爸爸會對自己個女唔夠細心體貼，又指令爸爸要跟隨傳統方式育兒。 舉個例說： 明明爸爸係港安上左堂學掃風，婆婆都要罵佢唔識掃唔好亂黎⋯⋯唉！ 我有個男同事係佢太太就黎生嘅前席，佢準備要面試升職。但因為佢太太產檢時發現，胎位有問題，臍帶繞頸⋯⋯次次都冇好野！連工都唔想番。 另外一個朋友佢係台灣人，要適應香港生活而且要照顧家庭。感到好大壓力唔識面對，好在佢識得搵朋友求教，而且聽取育兒技巧。真係態度改變一切！ 我個人認為，應該給爸爸們愛的鼓勵。有感而發而已⋯⋯