副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

PWH 食飽飽生產記

趁仲有記憶,記錄返生產過程先。。。。係38週去私家醫生度產檢時,醫生話Matt爺有7.8磅,頭圍係out of range......個一刻好多朋友勸我轉開刀,驚我到時生唔出要食全餐。但我一心都諗住要

趁仲有記憶,記錄返生產過程先。。。。 係38週去私家醫生度產檢時,醫生話Matt爺有7.8磅,頭圍係out of range......個一刻好多朋友勸我轉開刀,驚我到時生唔出要食全餐。 但我一心都諗住要順產,考慮左幾日都係決定自己生,到時要食全餐都係天意。。 因為個時每日都係自己係屋企,咁我每日都要搭車出火車站,再行去媽咪屋企,大約30-40分鐘。 過期居留第6日,終於係凌晨兩點見紅,我即刻沖涼,再叮左個肉醬意粉食(第一餐),拖到4:30先叫醒老公,佢個一刻都嚇一嚇我叫佢冷靜D。之後我地去M記再食個早晨全餐(第二餐)先入院。 6:00 a.m. 去到醫院,正常都係駁機check BB心跳,訓左半個鐘,大約7:00出到去叫老公返工先,應該未有咁快有消息,有咩再打俾佢。咁就安排床位俾我先,居然撞到尋晚入院既朋友。8:30 a.m醫生黎到,話阿b有一下心跳慢左,結果要俾人種豆可能要催生,之後再食埋醫院個早餐(第三餐)。 9:00 a.m.另一位女醫生黎check宮頸,痛到爆,佢話開左1度,建議催生,因為今日唔催,兩日後都要返反黎催生。問完屋企人意見就決定今日催生。後尾被告知入到催生個邊唔可以食野,就拿拿聲倒左d麵包同水落肚(第四餐),驚一陣無力生。再打埋個電話俾老公。 1:00 p.m. 開始落藥,姑娘話第一胎最快都起碼要10個鐘先生,聽到眼都凸埋,好彩老公可以陪住我。之後俾個四眼醫生人手穿水,痛到爆了。開頭都係覺得腰痛,不停呼吸,之後姑娘俾左個暖墊我。 4:00 p.m. 開到3度,醫生黎幫我放尿 4:30 p.m. 開到5度,姑娘叫我過定床驚一陣過唔切。15分鐘後想吸笑氣,結果等左25分鐘 5:10 p.m. 當我開始想吸,姑娘話我已經開到8度要落產房,求姑娘俾我吸兩啖嘗試下,結果暈住落產房 7:12p.m. push左3下臭豬出世啦 感恩成個過程都係清醒,全程都係用呼吸止痛。感恩老公可以全程陪住同埋無受罪(我無揸佢隻手同無鬧佢,仲成程好清醒咁同佢傾) #最辛苦係落到產房想痾又無得痾個種感覺 #忍左兩粒鐘 #可以暢快地痾係幾咁正   Facebook : 小蕃薯。成長日記