小b呢兩日有幾聲咳，仲聽到有痰聲 見屋企有齊材料就煲個海底椰蘋果湯 蘋果- 生津止渴 南北杏- 潤燥消積 海底椰- 止咳潤喉 啖湯好清甜，好適合一家大細飲用 不過留意番，係用乾嘅海底椰，功效好啲(止咳)架！新鮮嘅係無咩療效，但因夠爽，所以多數係用嚟煲糖水。 材料: 1. 蘋果 3個 2. 海底椰 5兩 3. 蜜棗 3粒 4. 肉 $30 5. 南北杏 適量   做法: 1) 用刀刮去蘋果表面嘅果蠟後，去芯，切件。 2) 海底椰、南北杏、蜜棗浸洗，備用。 3) 肉汆水，備用。 4) 煲內注入3L水，放入所有材料，大火滾起，轉小火煲2.5小時，加入少許鹽，完成。