副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

一點一滴,由零到滿,米子媽的人奶路,關關難過關關過

我相信每個新手媽媽都有一個最關注嘅問題,我究竟有無奶比bb,甚至響陀小朋友嘅時候三姑六婆已經問您打算生左餵唔餵人奶,生左後又會問得噤小奶又噤稀又唔白邊夠營養比bb我可以話我每個經歷都捱過,由零到爆樽到

我相信每個新手媽媽都有一個最關注嘅問題,我究竟有無奶比bb,甚至響陀小朋友嘅時候三姑六婆已經問您打算生左餵唔餵人奶,生左後又會問得噤小奶又噤稀又唔白邊夠營養比bb 我可以話我每個經歷都捱過,由零到爆樽到再爆袋到再到比米子沖涼,但背後付出左好多努力,個個問我:你唔怕痛咩,個胸變曬形唔怕咩,乳線炎好痛喎,谷奶好痛,又要定時定後泵奶,半夜又要埋身好辛苦等等,但望到米子好滿足食飽,肥肥白白,就覺得好幸福,個幸福係用錢買唔到。 究竟條奶路有幾難行,回想起以前三分鐘熱度,乜都唔會研究又唔會睇書,我竟然又睇書又搵方法點樣多奶,終於用左1個月穩定左奶量,直到米子而家3個月,佢都好夠奶食又有存貨又可以浸人奶浴。 大家喜歡可以like我的米子日記,入面有我湊小朋友嘅小分享, 同蝦碌好笑野大家可以like & follow :https://m.facebook.com/MyLittleSIAS 第一關,順產變開刀 我寶貝仔曳仔,響我肚不停打關斗所以有2圈臍帶圈頸,所以就響38W3拎左出黎,一心諼住順產嘅我當然已經好失落,不過見到米子一喊已經被溶化,好快就recover好 第二關,零奶水 姑娘話就算無都要比仔仔啜,可以刺激乳腺,但我仔當然唔肯,啜都無奶出,當然發忟,眼見每個媽媽都有奶,個bb啜得好好,我眼紅了,我怪自己點解無,到左第二日攬住傷口捱落床行去餵,一日三次,都係得個吉,日日如是,每晚都責怪自己點解無,仲要三姑六婆又問下食奶粉你無奶呀,點點點,我只能答係呀無呀。直到第四日,仔仔要照燈,我心情低落,更加無,到第五日汁袋翻屋企,突然發現件衫濕左,原來終於有奶喇,滿心歡喜快啲翻屋企泵,翻到屋企泵,點知得50ml,但我仔已經食緊60-70ml,係2個鐘一餐,又灰,之後我就決心要有奶有奶有奶 第三關,我要努力向上 我不停搵資料又請教人,但試左好多個方法都唔得,無論飲幾多炒米茶都好奶量冇增加過,但原來咁多個方法最好都係靠米子幫手,我嘗試每一次俾佢埋完身就算無賴都好我都會照泵奶,係話比個腦知bb唔夠食,需要更多奶,點知響三日之後就有成果,由80ml去到150ml,開心到即刻響屋企大叫出來,我終於感受到谷奶的感覺,但始終BB會越食越多所以我都決定繼續追奶  如我提提大家如果開始由谷奶嘅情況就應該開始要按摩乳房多啲同埋要做足冷熱敷,同埋要飲多啲炒米茶或者水如果唔係就好容易塞奶 另外要追奶最重要一個步驟就係要先熱敷然後要泵清,咁樣先至可以追到奶 第四關,塞奶乳腺炎 開心嘅係奶量要維持到1個月先叫真係維持到,維持好就要停追奶,如果唔係就會好似我噤塞奶又乳線炎,無知嘅我仲以為乳腺炎唔可以為人奶(實際上係可以繼餵人奶)然後又喊,因為乳腺炎個胸又腫又紅又痛,但為咗BB可以食得好又諗起佢滿足嘅樣就忍痛捱過一關,塞奶更加慘,個胸一粒粒然後個胳肋底又塞晒一嚿嚿,最咩要搵通乳師按先至有返奶水,然後又跌奶,又要努力追過,最後響兩個月到而家翻工我終於都可以維持奶量直到依家就算BB要食200ml都有足夠存貨,所以做媽媽真係好偉大無論媽媽奶量與少為咗BB付出同努力已經好好同值得欣賞 第五關,冰冷和雪奶 我仔淨係食雪奶,因為佢嫌冰奶”蘇,而雪奶只可以放到五日,所以奶過咗期我就拎黎比米之沖涼浸個人奶浴,用得唔好浪費,始終真係一點一滴累積翻黎       講到呢度有啲小貼士俾大家 如果想維持奶量我每次做嘅方法就係每邊泵15分鐘就夠了,然後按摩乳暈推埋剩低啲奶出嚟就完成每次泵奶任務 另外其實BB有黃都可以照餵人奶,米子都係食人奶退到黃的,仲退得好快,只要BB有去小便痛夠水份同曬多啲太陽就會好快退到黃,所以唔關食奶粉定人奶事,總之有恆心就得㗎啦       希望大家鍾意我嘅小分享,純粹自己小小嘅經驗同分享,希望幫到大家,大家亦都可以一齊交流下心得,加油呀,各位人奶媽????????