副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

成為媽媽後的第一次

成為媽媽後的第一次7月4日,係我第一次落床自己親自照顧西瓜妹既第一日,仲記得產後8小時過後 要自己去一次洗手間,下面傷口既痛無時無刻都提醒住我:無錯阿 你無發夢 你琴晚真係生左個女-換走件代表自己懷孕

成為媽媽後的第一次   7月4日,係我第一次落床自己親自照顧西瓜妹既第一日,仲記得產後8小時過後 要自己去一次洗手間,下面傷口既痛無時無刻都提醒住我:無錯阿 你無發夢 你琴晚真係生左個女 - 換走件代表自己懷孕中既粉紅病人衫,著番件格仔病人衫就開始自己同個女單對單相處 - 第一次學換尿片 終於知道胎糞係點 好綠好杰好難抹,抹完要幫bb搽凡士林 等下轉再痾 都唔怕痴實 第一次拎起佢雙腳 真係好驚整痛佢。 - 第一次學埋身餵奶,幾個媽媽一齊去客廳學習,餵奶要擺好個陣 枕頭放係椅背 之後另一個抱枕放大脾,然後一手將bb打側身 固定頸部,然後就開始餵,會有姑娘幫手望下姿勢 bb嘴型岩唔岩,餵既時間45-60分鐘 每2個鐘去客廳餵一次,到你姿勢岩(大約去3次左右) 之後就自己係床餵 - 第一次洗臍帶,真係勁驚整痛佢 本身醫院話7-14日先甩,好彩第六日已經甩左。   - 第一次掃風,托住下巴位 每次掃完會好有成功感   - 第一次自動2個鐘自己醒一次睇下bb有無紥醒喊醒,對於平時一日訓好多個鐘既我黎講簡直崩潰 - 第一次哄好自己個b,大家都知道喊聲係會傳染,個3日隔離床d bb勁扭 最後一個bb整醒左三個bb 大家要鬥快哄好  - 第一次面對bb扭大計,出院個日 係我最崩潰既一日 因為佢學識左一喊我就會自動埋身餵 我個日 5個鐘斷斷續續都餵左4個鐘 之後不停扭抱假喊 搞到蓮妹2邊受傷 嗱嗱聲叫阿媽黎接我走 救我 -   開始穩定落黎 希望做到一個富媽媽 亦希望bb乖乖