副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

性價比高的1歲Cake Smash拍攝紀念

孖吉一歲生日啦~為左要紀錄依隻小魔怪嘅一歲里程碑,慳家媽媽嘅我就好積極搵邊度有平靚正嘅拍攝啦。因為孖吉係7月出世,其實極之想影戶外相,因為戶外相出黎效果好warm,構圖比較好。但係現實係7月戶外真係太

孖吉一歲生日啦~ 為左要紀錄依隻小魔怪嘅一歲里程碑,慳家媽媽嘅我就好積極搵邊度有平靚正嘅拍攝啦。 因為孖吉係7月出世,其實極之想影戶外相,因為戶外相出黎效果好warm,構圖比較好。 但係現實係7月戶外真係太太太熱啦,又多蚊,孖吉係大汗精,怕佢好易忟憎。 所以我地最後選擇係studio拍攝。   之前都睇左幾間出名嘅,但價錢真係太貴啦,2千幾只可以有20張Soft copy 拎返。 後來經其他媽媽介紹一間係荔枝角香工樓上嘅studio,只要集齊10個媽媽或以上就可以用優惠價錢影相。 原價:平日$1,380 (星期六日及假期加$200) 可以拎返40-60張Soft copy 10人以上團購價:平日係$1,180 (星期六日及假期加$200) - 提供一個忌廉生日蛋糕 & Cake Smash背景造型 - 爸爸媽媽家庭照 - BB造型照  如果想要埋Bubble Bath造型,就團購價$1,680 (平日)   依間studio出左港鐵站行5分鐘左右就到,上到去雖然不大,但都有不同背景同造型衫可以選擇。 首先影左家庭照warm up下先,孖吉不用換衫,攝影師同助手會教爸爸媽媽們點樣擺post 之後就係同爸爸/媽媽嘅合照   BB造型照 我幫孖吉揀左Toy Story Woody嘅造型俾孖吉。孖吉唔鐘意戴帽,一戴上頭就想撥走佢, 但係帽子先係焦點之一嘛,所以爸爸媽媽好忙咁又執又放,加埋攝影師快拍攝下先影到幾張滿意咋。   Cake Smash背景造型照 之後就係壓軸嘅Cake Smash造型拍攝啦。男仔黎講多數都係赤膊上陣,女仔就Low cut; 媽媽我就揀左黃色主題嘅壞蛋獎門人Minions造型啦。 實在太可愛啦~~~ (但其實可愛嘅背後係有勞助手幫助氹孖吉笑,所以辛苦了) 之後蛋糕就出場啦。但孖吉似乎對蛋糕零興趣,唔敢掂,所以又要助手幫手放蛋糕上去臉上令到拍攝更加完美。 歷時一小時嘅拍攝大致上完成,最後要用濕紙巾幫孖吉清潔返d cream同埋幫孖吉著返衫。   之後媽媽就去左睇完成品,因為攝影師會影大約100張以上嘅相。 如果想要晒又唔想攝影師揀其中40-60張相俾返你,可以加多$300就可以拎晒。 $300都好合理,我知道外間知名度高個d 分分鐘要幾千銀先可以拎晒。 最後攝影師話大約2星期內就收到相啦~~~   今次拍攝都算順利完成,而且成品都算幾滿意,真係性價比高,好想襯孖吉歲半再影多次。   拍攝小tips - 氹bb笑要好有耐性,所以爸爸媽媽要辛苦少少,到時可能要又唱又跳先得 - 儘量俾bb訓飽食飽先準備影 - 唔會有P圖嫁,所以媽媽們化好妝,爸爸們Set好頭啦 - 要帶bb最愛食嘅零食氹佢,因為影Cake Smash相時要影到好似bb食緊蛋糕咁(其實係食緊零食)   ~~~~~~~~~~~~~~~~~~~~~~~~~~~~~~~~~~~~~~~~~ 合作可聯絡: qqyanyan@gmail.com IG Follow: qq_chinchilla 專頁: 孖吉的成長日誌 腳印: MamiBuy Esdlife Ohpama