荷花BB展明天就要舉行啦 (3/8-6/8)，經歷過上年坐緊月第一次去排隊嘅經驗。 雖則我明白排隊係必須的，所以我會為明天做好準備，希望減少腳骨力。   以下係我為明天ＢＢ展做嘅功課： １）留意各參展商嘅Facebook Fan Page舉辦之活動， 再預先登記，收到佢地嘅發出SMS message，咁到時就唔駛排長龍 （上年我唔識有部份冇登記，連排隊拎贈品嘅資格都冇）   ２）要買Coupon Book，即博覽優惠劵，冇依本書仔，好多贈品都冇得換嫁。 記得有咁多個人去就換咁多人本Coupon Books, 拎多一份禮物嘛～   ３）如果可以，預早買定入場劵同博覽優惠劵，咁到時唔駛再排隊，Coupon Book到時就拎張換領證去詢問處就可換到本書仔，否則就要入場後再排隊買Coupon Book（好彩嘅就排15分鐘，唔好彩就可能要排45分鐘啦）   ４）行裝輕便，最好著波鞋，因為人多會好迫，簡單衣著方便攝位～   ５）建議最好唔好帶ＢＢ或小朋友啦，因為好多人又帶行李喼或手推車，好易整親佢地。另外參展商會播音樂，好大聲，會嘈親ＢＢ們（但冇人湊就冇計啦～）   ６）準備個人資料 LABEL,  Coupon Book入面好多都要填資料先可以換禮物 個人資料包括 -  媽媽姓名: 電話: 電郵: 地址: 預產期/ BB出世日期: BB姓名: 到時就咁貼落去就OK，同埋都要帶枝筆，有D Coupon要簽名先可以   ７）填好或貼好晒d Label就撕有用嘅Coupon 出黎, 排返好晒Counter No.  一行一行咁行，咁就唔會咁容易Miss左   ８）預先睇定或印定博覽地圖出黎，highlight邊Ｄ一定要去或者要去買野，有定D頭緒～   ９）有部份參展商需要Facebook Like & Share，如果唔想俾自己FB Account 就入場前開個新   １０）排尿片參展商拎尿片儘量拎M/L/XL碼，唔好拎咁多NB同S，好快唔岩著   １１）帶「尿袋」，因要Facebook Like & Share，好快用晒D電 (上年我見有媽媽手機冇電，但又要Like page，所以要借用工作人員電話）   經過上一年乜都冇準備好，所以今年要準備十足，迎戰一年一度盛事～ 各位媽媽們你地為明天一連４日嘅ＢＢ展準備好未呀～～～   ～～～～～～～～～～～～～～～～～～～～～～～～～～～～～～～～～～～～～ 合作可聯絡: qqyanyan@gmail.com IG Follow: qq_chinchilla 專頁: 孖吉的成長日誌 腳印: MamiBuy Esdlife Ohpama