哇﹗第26屆荷花BB展終於結束啦﹗又係時間記趣和分享收獲﹗   今次BB展我去左4/8(六) 和 5/8 (日)，分別都幾大。星期六有點水洩不通，到處都係人，而啲人真係好躁底，但係呢日最多禮物換。星期日人較少，啲人平和啲，排隊又快啲，不過可能心儀O既禮物已經喺星期六派晒。   首先分享一下人地啲躁底事﹗ 1.      插隊：總會有人有意無意、有心無心咁插隊，不論同胞定港人。一到插隊呢個位，無論你係乜胞，都立即開火。事發地點係雅培換熊仔個位，其實職員截左隊，我地有一堆好想換熊仔O既人喺外面等，等等下變左一條隊，然後職員已經係咁講大家排緊O既唔係佢地負責O既隊，但係人都係冇散去。結果一開真隊，啲人就四方八面湧入去，有肚冇肚都係湧入去。有啲媽媽就鬧啲冇排INFORMAL隊的人(的確佢地冇守秩序仲你推我撞，好危險)，就咁又鬧左一輪，而職員堅決唔處理。 2.      你撞到我﹗：真心想講，敬請大家唔好著涼鞋、短褲去人多擠迫的地方。因為BB展啲環保袋超大，跟本冇可能唔會HI到人，有好多個人，好多好多，鬧人行路唔帶眼、夾硬撞埋黎、撞大肚婆等等。其實，你地唔好著涼鞋，比人撞到咪冇咁痛囉﹗一條路有幾十至幾百人，點樣可以唔撞到你？有個女人追住一個人黎鬧，話人地冇睇住佢，夾硬撞佢。人地做乜要夾硬撞你啊﹗ 3.      乜條隊郁都唔郁下﹗：入黎排隊是常識吧﹗我喺BIOSTIME排隊時，有個躁媽媽大喝職員「有冇攪錯呀﹗條隊郁都唔郁下，得你一個人做嘢，要排到幾時啊？﹗要排隊做乜派籌啊﹗」太太，你想換禮物係要排隊，你都係排左5分鐘就鬧人，咁不如你排第二個BOOTH先啦。   以上呢啲都係冰山一角，躁事不停發生，其實都係想開心換禮物啫，大家守秩序就NO PROBLEM啦﹗   另一個令人最火的事，都係喺雅培發生﹗ 因為，星期六下午黎的人，都換唔到隻熊仔啦﹗因為全部比人掃清光了﹗   我自己原先都想同老公一人換一隻，比BB玩，可以替換出黎洗。點知，由昨晚開始，FB見到有好多人拎左三四隻黎放售。好過份啊﹗竟然有人會拎咁多黎賣﹗不過有價有市，大把換唔到的人買返去哄BB﹗   分享住咁多啲﹗