一個社會嘅制度，足以影響人口，生活質素，人口老唔老化。一個議員，一句話說，足以證明佢嘅個人素質！ 張生相信係近期被罵得最狠的一位！我當然唔會撐佢，仲要踩一腳！哪怕你是誰！ 短短幾日侍產假，新手爸爸就要去搞出世紙，健康院，買嬰兒用品。有錢人大可以照顧個仔或個孫，當金魚咁觀賞，唔需要參與。但新手爸爸嘅廿四小時照顧，正正係新手媽媽最有效嘅心靈救藥！醫生話：最難醫嘅係心理病！而女性生產後，心理同生理都一樣脆弱。就算係短短幾日嘅侍產假，都係新手媽媽們最珍惜嘅72小時。 如果侍產假增加至五天，對於沒有長輩協助嘅新手爸媽黎講係好珍貴。而且，五天侍產假後新手爸爸都很疲倦！不是五天做皇帝！如果難聽d講句：老爺奶奶，婆婆公公死得早或病重。冇人幫手，冇錢請工人姐姐，只能靠自己，咁點算？唔通要個產婦自己做埋所有野？ 張生可能又會諗：冇能力，冇人幫手咪唔好生囉！咁又會洐生另一個社會問題：人口老化。係一環扣一環架！唔係咁簡單架資本家！