副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

就算有妊娠濕疹,生完之後個肚都可以一點紋都冇架~全靠有佢⋯

原來大肚仲有一種痛苦叫妊娠濕疹,自從佢出現後感覺簡直比死更難受。。。。元媽至懷孕五個月開始,肚皮就開始有些搔癢及少量紅點出現,起初以為只是肚皮因爲脹大而有的皮膚搔癢,多做保濕就可以解決問題;就但情況卻

原來大肚仲有一種痛苦叫妊娠濕疹,自從佢出現後感覺簡直比死更難受。。。。   元媽至懷孕五個月開始,肚皮就開始有些搔癢及少量紅點出現,起初以為只是肚皮因爲脹大而有的皮膚搔癢,多做保濕就可以解決問題;就但情況卻愈來愈嚴重,最後肚、大腿、手腳和頸都出現了嚴重的濕疹。(如圖)   妊娠濕疹一般係晚間最搔癢,尤其半夜11至3時之間,癢到訓唔到;癢但又不能抓,因爲抓破皮後細菌感染更麻煩,同時訓得唔好又怕影響胎兒發育,每晚眼光光都天光,身心壓力都好大。所以元媽就不斷睇西醫同中醫,最後既結論係兩者共用就事半功倍,之後情況逐漸有改善,到最後完全康復之餘,生完之後更加係連一點紋都沒有了。(如圖) 上圖濕疹轉深色是表示有好轉,及沒有那麼癢了;下圖就是完全康復了只剩下一些濕疹黑印。 生完之後一點紋都沒有了~只係個肚顏色黑佐D,但我相信會白返D既~~   西醫的角度:妊娠濕疹係患者免疫系統出現紊亂,認為是先天遺傳基因有關;另外皮膚角質層作為身體表皮屏障的功能出現障礙;或對環境敏感。 中醫的角度:準媽媽本身的脾虛體質 ,身體水液本就行得唔好,導致水濕停滯,尤其停滯在腹,胎兒居於腹部,身體向腹部供應更多血液和水份,同時腹中胎兒又製造廢物,交給媽媽排出,廢物與停水結合。最後堆積到不能接受的水平,身體就透過皮膚將廢水排出,造成皮膚的充血水腫,就形成了妊娠濕疹。 結合佐中西醫師既建議,大前提下都係唔影響胎兒既辦法,就是內服 + 外塗 +止癢三方面同時進行,元媽覺得以下幾個方法有濕疹既媽媽們可以試一下: 內服--->  首先要經中醫了解準媽媽的體質後,才能做到飲食調理(注意懷孕後因荷爾蒙影響,體質有機會轉變),好似元媽以前是涼底,但懷孕後掌心及濕疹位置都帶熱,中醫認為元媽可以多食涼食中和一下,結果元媽由懷孕六個月開始就去胎毒了,如綠豆沙、抹茶奶、西瓜等等……當然食咩都係要適量的。不得不提西瓜皮真係好正架,用佢嚟煲水飲全日飲,不單至可以利尿去水,仲可以降血糖,呢個對妊娠糖尿媽媽都好有幫助 (元媽同時也有妊娠糖尿)。另外煲石斛水飲都好好架,石斛益胃生津,滋陰清熱其他好處可以參考:https://kknews.cc/zh-hk/health/jkykz6.html 另外飲食要清淡,呢個唔使我講大家都知啦,花生、海鮮(魚肉除外)、雞蛋和牛奶等食物係引起起濕疹發作的元兇哦,然後就要介食芒果和榴槤等濕熱水果。最後元媽發覺自身都對牛奶過敏,轉佐飲鈣思寶之後,就改善佐好多。   外塗--->  絕對既保濕係必定!呢個一定要推薦一下天然椰子油,因為要每日擦上身,所以元媽簡既要係有機椰子油(食得果種),椰子油唔至可以保濕,同加速皮膚痊癒的速度,仲可以預防妊娠紋的產生~每日沖完涼就即擦,之後日頭就再補擦多次~椰子油既好處超多,其他好處可以參考: https://read01.com/zh-hk/6jDMJa.html#.W2f2n7b3XBI 另外保濕用品仲有AQUEOUS CREAM 同理只要BB 用既BODY LOTION都擦得架。 止癢---> 元媽就會煲金銀花紓緩痕癢,用濕棉花佔金銀花水,夫係皮膚上面(好似面膜咁~但要注意水溫,水不能熱 ) 但我好明白有時候濕疹真係會癢到忍唔到架,尤其訓覺果時,雖然用藥怕對BB唔好,但冇覺好訓同心情唔好更影響BB發展,所以元媽真係癢到忍唔到既時候,就會擦醫生開既藥Eurax--->隻藥既藥性好低,對於有嚴重濕疹既人可能覺得冇用,但對於媽媽來講簡直係甘露~~可以訓到覺~~但藥都係要少用哦!     另外媽媽們要留意沖涼液唔好用有香料成份,同最好要天然;沖涼水溫唔可以太熱;要鬆身衫褲免衣物同身體有太多接觸;同時要保持心情愉快哦~ 要記住係沒有什麼事情是解決不了~以上只係元媽既分享,對抗濕疹係因人而異,及長久耐性,希望各位媽媽都可以有個愉快既孕期~     Facebook page : 元媽。紮肚。誌  https://www.facebook.com/happybabysitter/