唔少女性在生完小朋友之後，都有考慮過轉投「全職媽媽」的行列，其中一個原因就是產後重回工作崗位難以適應、困難重重。但不工作，又會擔心家庭收入問題。   到底女性可同時兼顧事業與家庭？有過在人媽咪表示「兒子出世後開始當全職媽媽，直至兩年後重返職場，但工時長、經常被要求要OT，覺得難以駕馭」的確，要平衡家庭與工作唔容易，一天只有24小時，工時長又要如何有時間、有體力再去照顧家人，她坦言「小朋友八、九點就要上床睡覺，而我放工返到屋企都已九點多，唔止沒時間陪他、有試過成個星期都見唔到面，遇過他生病，我要工作無法照顧，覺得好內疚。」   想平衡 唯有轉做Freelancer?   身邊唔少在職媽媽都有請工人，直接將照顧小朋友的責任假手於人，但有一個問題：小朋友與工人姐姐的相處都比自己多，同工人關係比父母還要好。   「孩子需要甚麼，只有媽媽才有此敏感度，工人是不可取替的。」最後只好辭工轉做Freelance，工時靈活又可照顧子女。   希望有僱主真正做到「家庭友善」   她說在職媽媽如能準時下班或五天工作，或在家辦公，相信可吸引婦女重返職場。因為好多時要OT，其實並不真正很多工作，而係公司文化/上級施壓，所以不少媽咪都希望，如果更多真正體恤家庭崗位需要既僱主，可以大大減低在職媽媽的壓力。   社區配套不可缺少   要鼓勵婦女工作，社區配套是其中一個影響因素，有媽咪反映，在香港託兒服務不足/費用高昂是致命傷。   據資料顯示，全港受資助託兒服務名額約3萬個，鄰里支援幼兒照顧計劃的社區保母約有500個，但受惠人數不足8千人。而社署轄下的課餘託管名額只有5,400多個，對於逾80萬名媽媽來說，嚴重供不應求。