副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

第一次真。去旅行!(BB旅行用品清單)

今次應該同蠔豉妹妹真係去得成旅行啦!之前我地同蠔豉妹妹住過酒店~去過澳門!不過坐飛機就係第一次~本身6月係去沖繩,點知有麻疹...不過個呢個媽媽點會死心~今個星期尾,如無意外就去台北!上次book沖繩

今次應該同蠔豉妹妹真係去得成旅行啦! 之前我地同蠔豉妹妹住過酒店~去過澳門!不過坐飛機就係第一次~ 本身6月係去沖繩,點知有麻疹...不過個呢個媽媽點會死心~今個星期尾,如無意外就去台北! 上次book沖繩因爲機程都成3hrs,所以我book左business class~今次台北機程只係1hr 20mins~所以我就book econ :p   由於第一次去三日兩夜,所有野既份量都有多無少!大家再自行加減~   蠔豉妹妹不停幫我手執走啲野 :p   -出街篇- 我地住民宿,有得免費租用BB車,所以我地就唔帶BB車~不過都仲有好多野帶! 孭帶 x 2 (如果我太攰,可能會叫工人姐姐幫手孭一陣) BB車雨套 x 1 BB車掛勾 x 2 風扇 x 3 (全家都怕熱:p) 尿袋 x 1 遮   -食品篇- 即食糊仔 x 6 (一餐2包) 奶糊粉 x 1盒 (早餐食) 水樽 and 水杯 (妹妹都鐘意飲水,水杯得大概250ml,所以帶多個水樽添水) 碗、匙、剪刀 奶粉 (成罐帶去!) 零食 x 3 (一日一款零食,唔怕悶~) 熱水壺 x 1 奶樽 x 2 (我唔記得影,最少帶2個,係街唔太方便洗!) 蒸煮機 (因為我只係去3日2夜,我就唔帶了,如果唔係,我建議要帶!成日食即食都無乜益!)   -藥品篇- 退燒貼 x 2 平安藥 (退燒、咳、鼻水、腸胃、止嘔) *去返平時睇開既家庭醫生到配!   一定要俾醫生知BB幾大、幾重,醫生先配到藥!唔好亂買!   -清潔篇- 洗碗液 洗衣液 (無影相,但我執左既~) 紗布 and 生理鹽水 (平時妹妹用生理鹽水抹面,紗布就用黎刷下牙同脷) Cream 洗頭水、沐浴露 (我用啲細樽裝,千其唔好去旅行時換產品,一陣敏感就煩) 棉花棒  凡士林 防曬乳液 蚊貼   -換片篇- 拉拉褲 x 30 (一日預10條係基本~) 換片墊 濕紙巾 (大人抹手,妹妹抹pat!仲要抹枱、抹櫈!)   -衣物篇- 全防水口水肩 (食野時用~) x 3 口水肩 x 6 毛巾、咬咬巾 x 3 汗巾 x 2 紗巾 x 6 襪 x 3   睡衣 x 2套 長褲 x 2    出街衫 x 6套 (1日預2套,女仔好合理 :p)   -其他- 吹氣櫈 (用黎沖涼用,如果有吹氣浴缸大家可以帶~)   大毛巾 (又係沖涼用) 包被 (訓覺用,妹妹只愛2張包被,有包被可以自己入睡~)   玩具 (乜都帶啲~) 牙膠 髮夾  消毒噴霧 溫度計   應該都無乜漏啦掛~有漏既大家提下我 :p   Facebook : 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring 合作/邀稿 : wingring417@gmail.com / wingring@ymail.com