副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

19個月靚湯水 - 快手滾蕃茄梭羅魚湯(附食譜)

識我既朋友都知我會用食午飯既時間行超巿買餸,放工就9秒9衝番屋企煮飯~今日係PIAGO行下行下俾我發現到正野,得一千零一盒既梭羅魚~~放工惟有搭的士,爭取多一點時間滾個湯俾阿仔飲下啦~自從有左第一次煲

識我既朋友都知我會用食午飯既時間行超巿買餸,放工就9秒9衝番屋企煮飯~今日係PIAGO行下行下俾我發現到正野,得一千零一盒既梭羅魚~~放工惟有搭的士,爭取多一點時間滾個湯俾阿仔飲下啦~自從有左第一次煲魚湯既經驗,慢慢克服左心理障礙~~真係為左阿仔,乜都得呀   材料: 梭羅魚1盒 薑 4片 蕃茄 4個 (好似太多了.....) 豆腐一盒 做法: 1. 洗淨D梭羅魚,開鑊燒紅D油就落薑同魚一齊煎~ 因為有時間劏肚, 所以唔好反佢, 等佢自己熟左先呀~ 2. 煎熟左一邊, 就好易反到煎另一邊, 煎到靚仔就可以加熱水~ 奶白色話咁快就出黎喇~~大約滾左20分鐘到 3. 一邊煎魚既同事就洗蕃茄同切蕃茄,仲要切埋豆腐~一盒豆腐我就一開8舊,大粒D 4. 之後隔渣,淨要魚湯,再落蕃茄煲多15分鐘到,最後落豆腐,一滾起就OK喇,唔係舊豆腐會好鞋架喇~ 裕喬喬見今日有湯飲,心情唔錯咁喎~~ P.S.:  1. 梭羅魚有人會劏肚有人會唔劏肚, 我上網搵左好多方法, 最簡單而唔駛劏肚既就會用筷子攪拌去清洗魚仔, 唔好令佢爛肚就冇事架喇~~ 唔係個湯會變苦喎~~~ 好好彩, 今次個湯唔苦呀, 好鮮甜~~ 2. 拎豆腐出黎可以預先係盒既角仔開個小小洞, 咁拎出黎就好完整架喇~ 我家裕喬的PAGE, 在職媽媽盡量每日UPDATE喲~ https://www.facebook.com/JacoYK/