副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【過來人分享】邊幾款抺patpat濕紙巾好用?新手媽媽必睇!

小恩恩係呢半年都試過好多唔同牌子嘅抺patpat濕紙巾,好多牌子真係唔用過都唔知邊種好用,所以我希望同大家分享下我用過嘅牌子,比大家知下有咩優缺點~ (ゝ∀・) (有d初生用過,個陣無影

小恩恩係呢半年都試過好多唔同牌子嘅抺patpat濕紙巾,好多牌子真係唔用過都唔知邊種好用,所以我希望同大家分享下我用過嘅牌子,比大家知下有咩優缺點~ (ゝ∀・) (有d初生用過,個陣無影到相,所以無實物圖) 1. Huggies純水嬰兒濕紙巾 優點:Huggies呢款濕紙巾抺得幾好,而且都屬於大張嘅濕紙巾,而又係純水配方,的確係唔錯,紙巾柔軟、濕度足夠,好易潔到便便。 缺點:好多時拎張濕紙巾比嚟就好易meet爛,我都經常性會Meet左一個角出嚟/中間位會穿左,真係極唔方便  2. Nuk濕紙巾 優點:Nuk嘅濕巾係其中一款我好鐘意用嘅濕紙巾,因為佢大張得黎又柔軟,又有少少韌性,所以無咁易爛!濕度嚟講就適中,唔會話濕到滴水,但都足以清潔便便!而且有10塊、20塊嘅小包裝,拎出街好方便! 缺點:價錢相對佢其濕紙巾貴,百幾蚊先有3包80塊(要襯有Discount買先抵D) 3. SoftTouch 嬰兒純棉濕巾(厚身) SoftTouch嘅濕紙巾我係係bb展嘅時候先遇見到,個陣個Sales姐姐話係新產品,個陣比左一張摸上手都覺得幾好,就買左幾包用~ 優點:SoftTouch嘅濕紙巾夠大張、夠厚身!紙巾比起Nuk會濕少少,清潔一流!而且係純棉,又無瑩光劑,更加呵護bb patpat! 缺點:雖然係純綿,但都有d些小硬,再柔軟d就Perfect! 4. 日本唔知咩個牌子 呢包濕紙巾係我去百貨公司個陣貪平買的 (´∩ω∩`)  優點我暫時諗唔到,因為佢嘅紙巾係超簿,薄到好多時一張只係抺到一下,好多時我都要用多幾張搭埋先抺得到,抺下vivi都ok,但便便就不了! 薄到可以好清楚咁睇到下面嘅字(|||゚д゚) 5. SoftTouch嬰兒專用清潔棉 因為打Blog嘅時候已經熄左燈,所以呢一包無影實物圖 優點:濕水後抺patpat好易清潔!遇水唔會爛~而且係真正嘅純水配方!想要濕d定乾d都可以自己話事! 缺點:拎出街用真係好唔方便,所以我多數都只係係屋企個陣先會用~ 總結:我最建議大家買嘅會係SoftTouch嘅清潔棉→Nuk→SoftTouch濕紙巾→Huggies (以上都係個人觀點同感受) 希望係到可以比到d意見各位媽媽啦! Like我地Facebook同IG會更快知道我同小恩恩既Update架! Facebook:https://www.facebook.com/90sMummy/ Instagram: https://www.instagram.com/minarainlo/