副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

媽媽Group=邪教??

對於身邊沒有朋友生小朋友既我來說, 媽媽group可說是我獲得育兒資訊的重要渠道, 但原來要入會都唔係咁易...點入會?上Baby Kingdom/健康院識人. Baby Kingdom應該最容易,

對於身邊沒有朋友生小朋友既我來說, 媽媽group可說是我獲得育兒資訊的重要渠道, 但原來要入會都唔係咁易... 點入會? 上Baby Kingdom/健康院識人. Baby Kingdom應該最容易, 不過forum會禁止大家交換電話, 要交換就私信聯絡 入左會要唔被人踢? 一個有超過六十個媽媽既group, 竟然有人會數得出邊D媽媽無出過聲/好少出聲, 唔出聲既會被視為CDRom, 被警告完無改善將被踢, 我就係因為少出聲被人踢. 不過, 都有D大Group好多人唔會踢人既 你可能會問你點解入會又唔出聲? 大佬呀, 佢地一日最少都幾百個Massage, 多則成千個, 要返工既我睇完都未覆得切佢地又傾緊第二樣. 而佢地既話題大多圍繞99點衰, 老公無用, 今日食左咩, 重左幾多等等.....我確實無心機回 但唔入會唔知原來好多電視情節係真架, 老公有二奶但仲要幫佢生仔, 老公吸毒, 99同住但分開食飯分開煮, 99想害佢小產, 等等.. 咁其實需唔需要入Group? 如果你本身已經好多朋友有小朋友, 你又已經無咩多餘時間回Massage, 確實可以唔入 如果好似我無咩朋友有小朋友, 入左其實都有用既, 起碼有事上去問野, 好多媽媽都會真心解答同安慰你, 因為只有媽媽才會明白大肚有幾辛苦, 老公係講極都唔會明既! 最有用係咩Group? 醫院Group 會有生左既媽媽分享入院過程, 好有用 我覺得BB出左世搵同月同日Group係最有用, 因為媽媽少D, 大家會真心傾BB野多D