副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

做女人不能無朋友、無興趣、更加不能無自己!

前幾日同幾個閨蜜終於約出黎食飯,大家不約而同講起最近一單恐怖新聞,就係一個成功男人有第三者後想同老婆離婚,最後竟然設計殺害老婆,天網恢恢,警方用左2年時間終於搵到證據,個男人最終被判終生監禁!家家有本

前幾日同幾個閨蜜終於約出黎食飯,大家不約而同講起最近一單恐怖新聞,就係一個成功男人有第三者後想同老婆離婚,最後竟然設計殺害老婆,天網恢恢,警方用左2年時間終於搵到證據,個男人最終被判終生監禁! 家家有本難念的經,但唸唔明一對原本相愛的人,還有三個子女,點解最後會有如此結局? 「我地做女人真係好唔公平,咩都為個家犧牲哂,到頭來咩都冇,仲要條命都冇埋!」其中一個好友憤憤不平! 「所以我話,唔好講到咁極端,但係結婚前,就要唸定萬一離婚點算!」另一個好友石破天驚地講出呢個結論。 「下!咁攪笑!結婚唔係想一生一世架咩?如果已經唸住離婚,咁結婚黎做咩?」 我朋友搖哂手:「You get me wrong! 結婚當然想一生一世!但係兩個人對住幾十年,難保唔會變!如果你成個世界只有老公同仔女,冇朋友冇興趣冇自己,當冇左個老公,你成個世界就會崩潰哂,後果幾嚴重!」 我望一望手上的結婚介子,消化緊朋友的說話! 「如果你有離婚的準備,你知道同呢個人開心相處的時間不多,就會更珍惜同佢宜家有的時間!如果你知將來或會分開,你會留返少少時間比自己,keep下個樣,keep下身材,等自己將來仲有market!仲有最重要係有收入,女人就算為左照顧小朋友而放棄事業,都要有隨時搵到錢的預備!老公都可能會失業架!」 聽聽下又好似幾有道理… 「其實,要幾十年對住一個人仍可以恩愛如惜,當中真係有好大學問!」 「一個人幾十年一定會變,睇下你地係咪一齊變架咋!唔好彩真係要離婚,我地做女人一定唔甘心,我博條命同你生左仔女養大哂,同你捱到宜家事業有成先離婚? 「唔甘心」呢三個字真係害慘好多女人!Come on! 做人都係灑脫d!冇老公一樣可以活得開心,可能好快會有第二個真愛!Who knows?」我朋友講完一飲而盡! 「唔講真以為你已經離過婚!」我笑言。 「只係世事都被我看透!」朋友聳聳肩。 將來的事,的確冇人知!一生一世又談何容易? 望向窗外,一輪明月,我仍但願,人月團圓!        ================================== Facebook: Timtam仔的成長日誌  歡迎邀稿/出席活動:Timtamboy01@gmail.com 駐站Blogger :  #Esdlife 靚太club #媽咪幫 Yahoo親子 #BK Milk #PressLogic 親子日常# ubaby Magazine #Beauty Exchange  ~*~*~*~*~*~*~*~*~*~*~*~*~*~*~*~*~*~*