今年3月湊完沙律去台北，小試水溫。下個月再一家三口出遊，今次去布吉！  以下係沙律媽媽出遊出所做嘅 preparation！ 1: 地點 [布吉]  揀布吉，以下就係沙律媽媽嘅原因！  第一：暫時衝唔出亞洲，歐美太遠，沙律B未必頂到十幾鐘飛機 ！ 第二：台北去完，日本又要喪濕平，星馬又唔太鐘意 又得四日三夜，都係泰國hea下hea下好。Bangkok 相對危險 華欣又無直航，Ko Samui 出親 resort 多數要用車，所以都係布吉好 ！ 第三：之前去過，有 experience，唔使點 plan ！ 第四：志在住4-5星級resort，俾沙律B玩下水！ 第五：機程3個幾鐘，尚算可以 ！ 舊文: 沙律媽媽的忙碌日常︰小腳板走天涯の湊B去旅行有咩要注意？！ 舊文: 沙律媽媽的忙碌日常︰小腳板走天涯の旅行應該帶啲咩？！ 2: 機票 [CX/KA – 換Asia Miles] 香港直飛布吉，主要飛TG 同CX/KA 或者廉航 Air Asia 同 HKE，但兩間時間都衰到無人有！ AirAsia - 夜機去，land 23:45，即係浪費左一日，去到酒店都零晨，未搞！ HKE - 夜機番，land 香港已是零晨4點，攞苦嚟辛！ 湊住B真係唔想辛苦自己，所以沙律媽媽只可以搭TG 或者CX/KA。 加上一家三口飛，暫時唔會考慮廉航，因為太擔心 delay & cancel 問題！ 沙律媽媽由大肚已經開結停飛，儲埋儲埋唔少 miles，又是時間換票啦。 只係短短兩年無用過 Asia Miles 換機票，玩法已經唔同左，宜家有趣好多！ Asia miles 新玩法: 嘩！超正！亞洲萬里通新制新換法！用盡單程一個停留及無限制飛行距離！來回歐/美/澳經濟57,000里、商務100,000里、頭等145,000里！ 由於用 miles 換機票，沙律媽媽只可以換到CX/KA機票，仲要勁full！ 同沙律爸爸左度加度，再左夾右夾，終於度到一個有機票換而時間又唔差嘅日子！ 因為Asia Miles Platform  唔可以買infant ticket，要打上CX 另外買，所以都係換票先。 AirAsia, HKE, TG 都可以 online 直接買 infant ticket！ 去程搭Ecom，回程搭Business，2個人用左6萬分，只俾左HK$894，超抵！ 換完大人tickets，又即刻打上CX 買張 infant ticket，好貴！ 因為沙律媽媽忘記左回程換左 business，沙律B都要跟我地買 business ticket！ 雖然infant 無位坐，但依然要俾十分一機票錢同附加費，所以沙律B張飛HK$1,471。 擺烏龍，但無計，要靚時間，就要搵銀紙去搭救！ 但同BB去旅行就有一個好處，就係一早己劃位，同時唔使鬥早online 選位！ From 沙律媽媽 standard，湊小B去旅行，絕對唔可以太 chur！ 所以買機票時，沙律媽媽都以沙律B嘅時間為大前提！ 3: 酒店 [Phuket Grand Mercure Patong] 回到3年前，沙律媽媽正忙於plan結婚同honeymoon!  當時個布吉trip係沙律媽媽親自plan的！所以印象深刻。  回想3年前，搵左好多間酒店，最終都係揀左巴東Grand Mercure ！  點知家人一致好評，次次去布吉都住番Grand Mercure。 甜蜜蜜精選︰蜜月可以去邊度の布吉pool villa & pool access hotel choices！ 今次我地都係住番Grand Mercure！ 酒店位於巴東，近巴東海灘，walkable distance！  又近布吉最大型嘅shopping mall Jungceylon，仲要連接Robinson！ 有間超大嘅Big C！ 商場有兒童區域，又可以租BB車，一個商場可以玩你幾日！ 最主要係全部用腳行，唔使搭車！ 又方便又安全。 除左最大型嘅 shopping mall，去巴東海灘都係 walkable distance！  Grand Mercure 分三種房型，villa，pool access，deluxex！ 之前住過 pool access，房間都比較細，但勝在一打開門就可以跳落pool 但今次湊住沙律B，我地會以安全為大前提 為住避免沙律B跌落水，我地eliminated villa 同埋 pool access 住番deluxe 就算數，好彩，每間房都有個露台，都可以話有啲景望下。   4. 交通 除左 Bangkok 可以搭地鐵之外，泰國其他地方都係以的士為主！ 但想 call的，是非常難的，同埋有機會要拼車，所以最好都係用腳行！ 如果想用腳行，住一間location好嘅酒店真係好重要。 基本上今次旅程，沙律媽媽打算搭4程的士。 第一程由機場去酒店，第四程由酒店去機場！ 至於第二同第三程，係由酒店出發去另一個海灘嘅恐龍主題餐廳食野。 去呢個恐龍主題餐廳，都係因為沙律B！ 主題餐廳叫 Dino Park Mini Golf [https://www.dinopark.com/]    5. 保險 [BOC] 每次出門，沙律媽媽都會買旅遊保，亦都claim過2次medical！ 沙律媽媽買開中銀，經online買成日都有discount，平好多 如果一家三口出遊，買家庭package (HK$182.24)，仲平過分開一個個買 (HK$242.76) ！ https://its.bochk.com/pti.travel07_01.do?langType=C&siteName=bochk   6. Wifi Egg [Crazy Egg] 自從Wifi蛋出現左之後，沙律媽媽出親門都會上網order定一個。 最近呢幾次都係order CrazyEgg，因為可以去到機埸取機同還機，超方便！ 價錢仲要好平，我幾年前去台灣，好似 HK$24左右一日，韓國都係。 可能宜家競爭大左，仲平左好少，7月幫家人 order 台灣蛋，HK$13/日！ 今次我去布吉，order左4G，都係HK$13/日，平到笑！ 嬰兒用品系列︰ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法！ 精明買物媽媽系列の嬰兒好物大分享 I 旅行系列︰ 小腳板走天涯の10m台灣旅行應該帶啲咩！ 自家製系列︰ 自家製系列の給寶寶最好的護理—自製天然健康湯水！ 自家製系列の小兒天然止咳殺菌良方—燉紫洋蔥！ 自家製系列の打一歲針前應該煲咩儲涼湯水？！ 自家製系列の嬰兒都可以食嘅生日蛋糕—沙律B生日快樂！ 其他忙碌日常︰ 加固系列の嬰兒可以食咩零食？！ 健康系列の如何應付寶寶の便秘問題？！ 暗藏細菌系列の選用沖涼玩具時要當心！ 沙律媽媽的忙碌日常の湊B去街應該拎啲咩？！ 純粹分享の在職媽媽補身恩物—老協珍熬雞精！！