副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

煮媽媽 - 潤燥蘋果水

米豬今個星期玩野呀...... 晚晚3點彈起身成個醒晒搵奶食, 食完仲要唔訓係都要擒上擒落, 玩到4點先訓返, 佢唔攰我都死啦大佬........ 仲要連續一星期, 晚晚都係咁wo!! 返學問吓其他媽

米豬今個星期玩野呀...... 晚晚3點彈起身成個醒晒搵奶食, 食完仲要唔訓係都要擒上擒落, 玩到4點先訓返, 佢唔攰我都死啦大佬........ 仲要連續一星期, 晚晚都係咁wo!! 返學問吓其他媽媽, 原來佢地d小朋友都係咁呀~!! 老師話每年轉天氣都有聽d家長咁講, 應該係忽然間太乾燥, 小朋友身體適應唔切呀~~~ (再加上中招ge全部都係唔飲水ge脫水寶寶) 咁既然係內乾, 就煲返d潤野飲啦~ 呢個蘋果水係婆婆教我ga~~ 做女都飲唔小, 生咗仔, 到我煲喇~ 材料: 蛇果 3個 雪耳 1朵 蜜棗 3粒 冰糖(可落可唔落) 大人手指公第一節咁大粒   做法: 1. 雪耳洗乾淨後浸水 2. 蘋果刮走表面d蠟後, 去芯連皮切薄片 3. 蜜棗同蘋果片放入2公升水入面, 中火煲滾 4. 雪耳浸透後去蒂撕細, 水滾後放入煲一齊煲1個鐘  5. 婆婆話加多粒冰糖就潤d, 又甜d, 臨尾15分鐘我都有落到~~ 冰糖溶晒就完成~    拿拿臨啪返杯先~!! 媽媽我都好燥~!! (你晚晚攬住包薯片上網唔燥就有鬼~!) 脫水寶寶米豬一拎到手就狂啜呀~~~~~ 飲多d飲多d飲多d飲多d飲多d!!!!  煮食小貼士: 1. 一定要用蛇果, 或者d令身ge蘋果, 富士蘋果絕對唔用得, 煲完會酸ga~!! 2. 切薄片出味快, 所以一個鐘已經好夠味~ 3. 冰糖其實好optional ge~ 如果小朋友未夠一歲, 唔落都OK~ 4. 當水飲都得ga~~ 米豬爸爸呢幾日食咗西葯燥, 我都質佢對咗幾杯~!!   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/