副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[新手媽媽] 1Y2M之戒掉奶睡大作戰

講到戒奶睡好似打仗咁,其實一點都無誇張!首先,果醬媽唔係全人奶媽媽,尤其返左工之後,每晚呀仔臨訓前會埋身,久而久之養成左晚上奶睡既壞習慣(日間由姐姐湊同暗訓教已經完全唔需要埋身)。由於已經收左奶,加上

講到戒奶睡好似打仗咁,其實一點都無誇張!首先,果醬媽唔係全人奶媽媽,尤其返左工之後,每晚呀仔臨訓前會埋身,久而久之養成左晚上奶睡既壞習慣(日間由姐姐湊同暗訓教已經完全唔需要埋身)。由於已經收左奶,加上呀仔牙痕成日咬我,我先下定決心要戒!奶!睡!以下係我作戰既經過同小小心得: 第一晚(星期一):呢晚我要開OT,所以返到屋企時呀仔已經訓左(9點左右為佢既訓教時間),我返去搞完一輪已經12點,正打算訓時呀仔就醒啦,醒左就係咁搵奶,無比,爆喊,心軟比佢就大力咬完喊(可能因為無奶),所以無辦法,爸爸、我、姐姐輪流抱都唔得,最後喊左個半鐘自己太攰訓著,到我自己落床訓已經係凌晨兩點。到5點幾6點又醒,今次應該肚餓了,沖左奶比佢,飲完又訓返,但媽媽同爸爸已經謝晒! 第二晚(星期二):今晚我親自上陣,一開場就敗陣,飲完枝奶搵人奶,無比,開始爆喊,狂喊,喊到我自己都喊埋一份,心軟比佢又係大力咬完喊,所以都係等佢自己攰到訓著,呢次用左一個鐘左右!半夜又係醒左兩次,由於我太攰,所以兩次都有比佢啜,直到5、6點沖奶。經過呢一晚,我已經攰到我想喊。 第三晚(星期三):做足準備進入戰鬥狀態!開定冷氣(以免扭到一身汗),準備左幾件玩具,9點幾開始係床到玩,玩玩下佢就叫要奶奶,無比,繼續玩第二樣玩具,玩玩下佢想訓又叫要奶奶,唔比,繼續玩,今次玩玩下我合埋眼扮訓,佢居然就!咁!訓!左!前後唔夠半粒鐘,真心感動到想喊。連續兩晚無教好訓既我地都跟住訓,到11點幾又醒,喊住搵奶奶,我抱起佢出廳行左陣,15分鐘左右就訓返,半夜又係醒左兩次,兩次都係喊幾下,拍拍下就訓返。今晚我總算訓到一教! 要幫BB戒奶睡,可能同戒奶咀一樣咁痛苦!但我覺得有幾樣樣野爸爸媽媽們可以參考下: 區分BB奶睡既原因 我仔仔個Case,佢奶睡一方面係習慣,另一方面係安全感,基本上佢訓教唔需要攬任何野,要奶奶都係搵安全感,所以當佢搵既時候,我就會同佢講「媽媽係到」,就算要抱起暗返佢訓,都會開住燈仔,等佢知媽媽真係係到!到半夜醒,我都會拍拍佢同佢講「媽媽係到」同唱歌仔比佢聽,好快佢就又訓返。 日頭訓得少、晚餐食得飽 在第三日,我叫姐姐下晝唔好比佢訓同晚餐食多D,盡量同佢玩,我收工返到屋企繼續同佢玩,所以要7點幾佢已經開始眼訓。等大人食完飯,佢食埋生果就差唔多可以進入訓教模式。飲完奶同刷完牙就可以入房準備訓,溫度要岩,開細燈,佢一扭要奶奶就同佢玩/講第樣野分散佢注意力,基本上佢攰到不得了時就會比較易入睡。 同佢講點解要戒奶 好多人可能覺得BB咁細個邊會聽得明大人講咩呀!其實唔係,佢地真係明架!所以係我開始同佢戒時我就會不停同佢講「BB你大個仔啦,唔洗奶奶架啦,知無?」所以當佢要奶奶時,我就會話「唔洗奶奶架啦,你大個仔啦!」等佢知道戒奶係有原因的! 把奶奶收起來 相信好多媽媽為了方便餵奶會著哺乳衣,不過如果要戒,最好就唔好啦,同埋唔好比BB再見到,以免佢又記起。同埋當佢係咁揭衫既時候,可以同佢講「無啦,你睇下,都無奶奶」,咁都會令BB容易接受D。 經過3晚既努力,我對幫呀仔戒奶信心大左,頭兩晚一定係最難受,但媽媽們唔好心軟呀!