副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

飛媽媽 - 米豬行李帶D乜(同有咩帶咗冇用過)

4日3夜高雄之旅話咁快就完咗~~~ 未寫行程包膠前, 先同大家講吓我地個喼執咗咩, 同埋有咩係得個拎字~

4日3夜高雄之旅話咁快就完咗~~~ 未寫行程包膠前, 先同大家講吓我地個喼執咗咩, 同埋有咩係得個拎字~     就分衣食住行四類講啦~   衣: 去旅行前2日先查吓高雄天氣, 大約22-28度, 由於相信佢地冇香港咁多高樓大廈, 早晚溫差會大, 所以都有帶長褲去 我帶咗: 背心底衫 4件 短袖衫 4件 短褲 3條 長褲 4條 厚小小ge褸 1件 薄身跟身外套仔 1件 襪仔 4對 睡衣 1套 第一日去係著住長褲 (因為我覺得飛機會凍, 同埋唔想佢對豬肶痴到張櫈咁耐有污糟野hi到腳仔), 到落機响民宿settle down完都6點, 就冇特登換衫, 原套出發, 但我同爸爸推喼+BB車去民宿時已經熱到傻咗... 所以第二日就嚴格執行 著短褲, 帶長褲 黃昏時候就換長褲, 而呢個approach係work ge~~ 因為夜晚真係寒ga~~~ 走0個日就著返長褲上機~ 帶咗但冇著過: 短褲 1條 長褲 1條 厚小小ge褸 1件   食: 多囉.............. 我帶咗幾類: 主食類: 蒸餾水 1L*2枝(怕水土不服, 幾大都帶枝香港水去溝) 奶粉 1罐 (<-比爸爸恥笑我拎晒咁大罐去, 咁我地去0個時又話回程0個日隻玉兔好近吖ma~ 如果delay幾日都唔怕米豬斷糧先吖~) 日本即食餸 8包 (理由同上) 字母粉 半樽 (理由同上) 零食類: 乳酪片 2包 動物餅 1盒(唔係愉快動物餅, 係幼稚園返學茶點食0個d) 星星餅 1筒 吱吱果蓉 4包 保健類: 衍生開奶茶 2包 平安葯 1pack 食事用具: 炆燒壺 1個 摺疊式電熱水煲 1個 奶樽 2大1細 水杯 1隻 奶粉格 1個 暖杯 1個 洗奶樽刷 1個 洗奶樽液 用細樽仔裝咗一樽去 圍兜 4個 拎咗但冇用過: 日本即食餸 7包(因為出街都跟我地食, 只係用咗一包煮字母粉~) 平安葯 (正常媽媽都唔想用吧) 圍兜 3個 (大爺米一戴即崩潰發癲, 我由佢算了.....) 冇架點晾奶樽? 只要有一個杯, 2枝牙刷, 1套刀叉 (或筷子2對) 問題就解決咗~ (講緊晾2個樽) 媽媽就係要呢d時候迫出智慧來~~~   住: 我帶咗: 尿片 20條 換片墊 1塊 濕紙巾 (抹手面) 1包 濕紙巾 (抹pat) 1包 濕紙巾 (消毒) 5包 濕紙巾 (消毒抹室內用品) 1包 滴露 1細枝 枕頭 1個 陪睡芬焚 1隻 被仔 1張 沖涼大毛巾 1條 洗面毛巾 1條 牙刷 1枝 紗巾 4條 touch燈 1盞 BB車防水雨擋 帶咗但冇用過: BB車防水雨擋 (都冇落過雨點用啫~), 尿片淨返4條   行: 我帶咗: BB車 1架 輕便揹帶 1條 帶咗但冇用過: 冇~!! 超好推的BB車很重要很重要很重要~!! 老公話佢真係要寫返篇揀車心得wo~~ 咁今次我地架車堅係完勝ge~ 因為直頭係越野type~~~ wakaka~~ 我們那架很勁的越野BB車, 冇錯, 很丫咋, 好很重, 但到最後一秒我地都好慶幸帶咗佢嚟, 而唔係另一架C牌細車   仲有d立立雜雜唔知點歸類...... AQ 1枝(50ml) 吱手消毒泡泡 1枝(50ml) 蚊怕水 1枝 米豬用lotion 1枝 吱吱裝俄羅納英 1枝 蚊膏 1枝 玩具ssss (預我地搭飛機/搭車/食飯時佢扭計比佢玩) 另外再準備咗一袋全新未見過ge玩具, 包括: 貼紙簿 (車, 海洋, 動物) 玩具車 3架 帶咗但冇用過: 冇!!!   就係咁, 比佢塞爆咗我個28吋大喼........ 個喼仲大過個人仔...........   至於我和爸爸嘛.......... 一個hand carry size已經執齊我地所有行裝了-_-||   不過以我今次嚟講, 都唔算執咗好多冇用ge野吖~~~  但係........... 有一樣野我係極度後悔冇帶~!! 就係一個可以斜揹ge袋仔 (夠放電話銀包passport咁大) 因為出發同回程我都揹背囊, 大家應該都想像到又要湊仔又要响背囊搵銀包passport電話, 係幾咁lea hea..... 再加埋如果我用咗揹帶ge話, 其實係好難揹個單肩袋, 所以如果再去旅行, 我一定一定會帶埋個斜揹細袋仔~!!!    跟住落嚟就到高雄hea hea親子遊包膠喇~~ 你們要等我喔~~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/