副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

4樣常見對母乳嘅迷思

依加做左全人奶媽差不多9個月,當中都遇過大大小小嘅事,想同岩岩餵/準備想餵母乳嘅媽媽分享一下常見嘅迷思,鼓勵一下母乳媽媽!

依加做左全人奶媽差不多9個月,當中都遇過大大小小嘅事,想同岩岩餵/準備想餵母乳嘅媽媽分享一下常見嘅迷思,鼓勵一下母乳媽媽! 1. 6個鐘泵一次嘅奶會多過4個鐘泵一次 好多媽媽都以為,耐啲先泵嘅奶係會比4個鐘泵一次嘅量多。無錯,頭個幾次你係會發現奶量會多左,但長久落去,身體會發現原來bb食量唔需要咁多,係會分泌「抑制物」減少奶量去保護媽媽,因為怕你太多奶會塞/谷到爆!所以建議媽媽們都係4個鐘泵一次奶啦!泵密啲先會多架!(ノ>ω<)ノ 2. 個胸咁輕應該都無咩奶 bb應該食唔飽 如果你咁諗就錯喇!有一排我泵奶前,托一托個胸都發現好輕,我都以為自己少左奶。點知一泵,原來個到都夠bb食一餐!有時身體適應左,就唔會長期Keep住好漲/刺痛,因為已經適應左!所以當你覺得胸好輕個陣,先唔好質疑自己唔夠奶,可能係你身邊適應左啊!最近要bb食完會有滿足樣! 3. 胸細一定會少奶  我見有啲媽媽都會擔心自己胸部大小會影響奶量,其實係真係唔關事架!首先,你要記住,我地係「哺乳類動物」,我地天生就會有奶,只係多定少咁解!其次,胸部大小唔會直接影響奶量,而「乳線」先係影響奶量嘅關鍵!係懷孕期間,好多媽媽胸部都會升Cup,主要原因係乳線開始增生,預備比你餵奶用~所以最直接影響你奶量嘅係乳線,而唔係胸部大小! 4. 餵母乳一定要戎口 除左收奶、致敏感源高嘅食物我唔食之外,基本上我都無咩點戎口。唔係我唔負責,而係餵母乳係一件長遠嘅事,長期樣樣都忍口媽媽心情都唔好,心情唔好又會影響奶量~唔係話叫大家狂食零食同熱氣野,只係我地好多野都可以適量地去食,食小小薯片、雪糕、刺身(搵間有保證),其實唔會影響到bb~當然你要睇返佢面仔會唔會起粒粒啦~我只係覺得,餵母乳係開心事,平時均衡飲食,間中食小小零食係人之常情,唔需要比太大壓力自己! 希望以上小小嘅資訊可以令大家對餵母乳多一份信心同知識!亦唔需要對自己無信心!加油! Like我地Facebook同IG會更快知道我同小恩恩既Update架! Facebook:https://www.facebook.com/90sMummy/ Instagram: https://www.instagram.com/minarainlo/