副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[新手媽媽]10件生仔之前都唔會有人提你的事

 

1. 懷孕的種種 有左小朋友固然開心,但就算身邊有朋友生過或者加入有好多媽媽GROUP,但每個人既狀況唔同,孕吐、口味變、水腫、腰酸背痛以至係可怕既恥骨痛,當中仲有無數次檢討、「吉」針、飲糖水等等,唔經歷過都真係唔會知。 2. 原來順產唔容易 生仔痛係人都知,但唔係人人想順產就可以順產,好多時仲要天時地利人和,所以如果一心想開刀就唔好搏啦,直接book日子開刀啦,唔係「食全餐」仲慘! 3. 坐月不是easy job 生完坐月,其實係要比時間身體復原,但賀爾蒙既改變同坐月既「限制」都好影響媽媽架,最好都係請個陪月,或者按自己想法走!同埋一定要留意自己既情緒變化,處理得唔好好易變產後抑鬱!其次,坐月期間最好都係謝絕朋友探訪,建議都係後期或者身體恢復得7788先請親朋好友黎啦! 4. 新手VS初生BB好驚驚 千辛萬苦「咇」左呀B出黎諗住搞掂啦?好戲在後頭!事關初生BB好脆弱,樣樣都要好小心,仲會時刻check住佢有無呼吸,成個人都好似精神緊張咁!尤其頭3個月,咩都好小心翼翼,連打個「思EGG」都特別緊張,有D人奶媽媽仲會因為追奶搞到好大壓力,我就比較relax,返左工一日一次埋身就算,所以無製造壓力比自己! 5. 管教的矛盾對決 長輩或者朋友催人結婚生仔就梗係天下無敵,因為生完唔係佢地佢地湊同教嘛!所以真係唔好隨便叫人生仔呀!再黎就係教育小朋友,教仔無天書,而且個個BB性格唔同,做父母都係邊湊邊學,不過我比較慶幸請左姐姐,點教呀仔都係由我話事,事關我個想法同老一輩真係差天共地!有一次呀仔(14M)拉表妹頭髮搞到佢跌親,我即刻好嚴厲咁同佢講唔可以咁,仲輕輕打佢手仔,婆婆衝出黎阻不特止,仲覺得BB唔會聽得明!我就話佢其實明……真係無眼睇! 6. 不見了的私人時間與空間 生之前,出街食飯、行街、睇戲、去旅行都可以隨時話去就去,呀B出左世,每日都想衝返屋企,特別係頭個一年,幾乎無咩點出去。不過隨住呀B愈大,媽媽都需要返D「ME TIME」,所以適當地約下朋友食飯都係應該既! 7. 長期無覺好訓的日子 唔誇張,由呀仔出世到而家,我已經好耐無試過一教到天光啦!細個就話要餵奶,到大個都總有種種原因令佢半夜會醒,當然有好多小朋友好早就一教訓到天光,不過作為父母,都係要做定心理準備啦! 8. 夫妻感情大考驗? 生仔之前,兩個人相處無問題,但係多左個BB之後,會出現好大變化。首先,丈夫與太太要準備好進入爸爸與媽媽既角色,並調節同溝通對彼此既期望,以及在教育小朋友既想法上要有共識!我本身唔建議父母扮黑臉白臉,反而覺得要一致先唔會令小朋友感到混亂同無所適從!好多時爸爸都係係照顧上令媽媽覺得幫唔到手,或者爸爸覺得媽媽做得唔好,呢D都一定要拎出黎講,話比對方知你既期望係咩,記住父母恩愛對親子關係同小朋友既成長都會更加好! 9. 別人的指指與點點 係我自己生完之後,我其中一樣比較aware既事就係唔會comment別人點湊仔,畢竟每個BB、每對父母、每個家庭面對既處境都唔同,你覺得好既方法唔一定人地覺得岩用或認同,大家對小朋友既期望亦唔同,旁人都係不宜多講啦! 10. 幾辛苦都是值得的! 做左呀媽,先發覺呀媽係一個好強大既生物,生理上經歷了生仔既種種,心理上亦要做足準備,再加埋長期唔夠訓……但係見到個仔既笑容、聽到佢一聲「爸媽」、睇到佢愈來愈進步,一切一切都就已經值得了!呢樣野都係要親身經歷過先會明架!