副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

大年初一屯門醫院催生記

醫生叫我年30朝早入院... 當時我仲諗係咪檢查下炸. 去到產前房登記入院, 首先入一間房磅重,聽下胎心聲, 問下問題, 之後就換衫入房等見醫生.

因為小NEMO係35-36週都係得1.8KGS 度, 所以一夠37週就要入院檢查準備出世了. 醫生叫我年30朝早入院... 當時我仲諗係咪檢查下炸. 去到產前房登記入院, 首先入一間房磅重,聽下胎心聲, 問下問題, 之後就換衫入房等見醫生. 等到10點度, 見左醫生, 醫生講解情況後便講催生過程, 醫生好好比我老公入黎一齊聽同了解. 講解完, 醫生話要檢查下是否適合催生. 之後突然有姐姐叫我執好晒所有野, 過床去產房. 我以為要即刻生仔, 嚇到我呢. 同老公講我去生BB 啦~ 老公好緊張係產房門口等我.... 點知原來係去檢查.... 跟住又返去產前房. 醫生話可以催生, 會安排晚上10點前開始. 係呢段時間, 都係聽下胎心聲咁. 老公同媽媽煮左好多野比我一齊食個團年飯. 食飽飽我就即刻去洗白白先. 洗好白白岩岩好要去產房放個BALLON 入產道軟化個產道. 呢個科技比較新, 醫生試左2次先成功. 好彩第2次成功姐, 整好後會有D 野"銀"下既感覺. 又返去產前房度聽胎心聲... 成晚都無咩點訓, 因為開始有D 痛... 我就開始計下痛幾耐, 幾耐痛一次, 又同老公講下電話...當時我以為呢D 已經係陣痛... 咁就係度按摩下個肚(之前產前講座報既班有教架) 一陣痛就按.. 都OKAY GA, 同埋分散下注意. 去到半夜開始見紅... 我諗住... 係咪生得呀! 同護士講下, 佢知道係少少咁都無咩特別野. 所以我就係產前房行下希望有幫忙生產... 成晚都係咁痛... 到第2朝早又要入去產房, 老公成晚無離開, 係SOFA 度訓住等我... 一出產前房老公已經係度,..  我仲同老公講... 我忍到痛WOR.. 呢個痛接受到呀.. 你唔洗擔心啦.... 入去產房拆返個BALLOON出黎之後, 醫生幫我穿羊水...D 羊水好暖... 我仲問護士開左幾多度... 點知護士答我, 你仲未開始呢... 之後轉左去一間房度.. 開始落催生藥.. 跟住真係黎料呀!!!!!! 痛到呢... 成條腰, 背都痛... 打比老公, 首先梗係比佢笑我豬啦, 仲以為尋日開始陣痛又話唔痛.. 跟住老公梗係想入黎陪我... 但助產士唔比.. 話太早. 之後過左一小時度, 有護士問我老公陪唔陪產, 陪就比佢入黎幫我按摩... 老公即刻入黎啦...一按左個背舒服好多. 但係陣痛果刻痛到成個人都陣.. 又起晒雞皮... 每次陣痛老公都幫下手按等我舒服D...  之後每次陣痛小NEMO 都有D 心跳下降, 我真係好驚, 叫我唔好用力. 但痛緊真係咩都控制唔到,,, 跟住比我聞"笑氣" .. CHUR 到有D 暈暈地... 跟住個感覺真係好急屎... 要ALL佢出黎, 但係助產士話我第一胎慢慢等.. 要同急屎同存... 我真係唔識... 好彩醫生黎睇我情況即刻話變床生BB... 助產士仲EE我我話我第一胎有排等咁. 但醫生話要試, 試左唔得先變返床.. 好彩遇到好醫生... 即刻教我生... 同我數叫我用力, 點知第一下我用力就呼氣... 醫生話唔係咁, 咁忍住....跟住每次都數3,2,1 用力... 長D 長D 長D... 要用力十秒以上... 醫生又話返我知邊次用力用得好, 比個REFERENCE 我去用.... 跟住小NEMO 就出左黎啦.... 我成個人都軟左... 第一時間好緊張小NEMO 情況.. 因為太細粒,出黎之後個反應拍數又唔係滿分, 所以比我抱左一下, 老公抱左一下, 又幫我地影幾張相就要即刻入箱. 老公感動到眼濕濕... 真係估唔到自己可以成功順產.. 講真我既經歷係屯門醫生生BB 真係覺得幾好... 遇到好多好醫護人員.. 真係好多謝佢地...