副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

精明買物媽媽系列の嬰幼兒癈物分享 II

沙律媽媽由沙律B出世呢年半,已用左好多好多嬰幼兒物品。 當中有好用,有唔好用,而沙律媽媽之前都有寫文介紹過! 沙律媽媽的忙碌日常︰精明買物媽媽系列の嬰兒好物大分享!! 沙律媽媽的忙碌日常︰精明買物媽媽系列の嬰兒好物大分享 Part II!! 沙律媽媽的忙碌日常︰精明買物媽媽系列の嬰兒癈物大分享!! 事隔半年,沙律媽媽又要分享下有咩癈物,好彩,品類唔太多。   I: 美國Summer Infant Tiny Diner 餐墊 沙律媽媽喺沙律B加固前已買左Summer Infant餐墊 買嘅原因係因為好多媽媽都有買,好唔好用就唔清楚,亦都無人分享過 因為沙律媽媽見到賣家話好用,又多媽媽買,於是就抱住一試嘅心態 唔試過,都唔知係未真真係咁好用 Summer Infant 餐墊分第一代同第二代,沙律媽媽用後者 餐墊多數都係去街時用,因為食零食,唔想放上檯上 於是用張餐墊隔一隔,原意係好嘅,無奈餐墊唔生性 因為餐墊底部有7個吸盤,啜住張台 但問題出現啦,因為檯面唔係玻璃檯,完全啜唔實 有台布啜唔到都情有可原,但連普通木紋檯都啜唔到就真係太過分 加上係吸盤底,變相張餐墊鋪極都好似唔平咁,感覺唔太好 餐墊設計係用嚟捲的,因為方便收納 結果嚟唔實張檯,某啲位就自動波捲起左,諗起都把鬼火 再者,餐墊本身用料厚,所以比較重身,拎多幾次去街就會放棄 所以當沙律媽媽搵到Neat Solutions 時,就dump左張Summer Infant 因為Neat Solutions實在太好用,又輕身,摺埋好似手板咁大張 摺完,打開,又唔會有摺紋,仲可以鋪直 除左啜唔實布面台,其他一概無問題 所以沙律B張Summer Infant已到左堆填區 身邊有朋友開頭都係用Summer Infant,都係用到一肚火 後來多跟沙律媽媽轉用Neat Solutions,只因為啜得實 沙律媽媽唔夠膽話Neat Solutions 無缺點 但以用家角度,至少律媽媽覺得好用過Summer Infant Summer Infant 唔好用,我唔係生安白造 後來有睇番其他comments,真係好一般 以上3個comments 來自台灣媽媽! 以上2個 comments 就由美國Amazon搵的,唔滿意度都幾高! 以後沙律媽媽買野會睇左comments先! II: 澳洲 Fevermates 探熱貼 又係一款另沙律媽媽好無言嘅產品 但都係果句,唔買,唔試,唔知好與壞 所以沙律媽媽又試新野啦 [相信好多媽媽都好似我咁]! 話說呢款探熱貼,喺沙律B一出世無幾耐已買左 當時沙律媽媽前0後10,超多時間睇Facebook 網店 見到店主話好用,吹到天花龍鳳咁,沙律媽媽又中左伏啦! 其實呢款產品只係sticker ,但有探熱功能 如果BB有發燒,貼喺額頭,就可以無時無刻都知BB燒到幾多度 Range由攝氏37度至40度,聽落覺得好神奇 唔買好似對唔住自己之餘,又對唔住BB咁 點知買左番嚟,一次都未用過就過埋期!又一件落左堆填區嘅產品! 其實沙律B出世到宜家,發過2次燒! 第一次,打一歲針果陣,打完針即晚燒左幾個鐘 第二次,13個月左右,俾沙律媽媽傳染 [感冒] 第一次發過果陣,都有打算俾沙律B用呢款產品 但沙律B已經高燒到唔需要用都知佢發緊高燒 除左食退燒,就係用退熱貼,用左退熱貼,個額頭仲有位嗎? 明知BB發緊燒,除左用退熱貼之外,都會定時定候探熱 喺咁嘅情況下,探熱貼嘅用處係零,我重申一次,作用係零! 仲有,BB大到某個月份,手仔已經好靈活,會走去搣 你想張貼紙痴喺佢額頭度溫度?應該都幾難! 沙律B連退熱貼都成張搣落嚟,呢啲探熱貼點會貼得實呢? 除非,BB仲好細個,唔識去搣 又或者,小朋友己大個,識聽指令,咁又唔同講法! 探熱貼一盒有8片stickers,HK$78,都幾貴! 其實己買左百靈,沙律媽媽都唔明當時點解會買呢啲產品! 後來,換季清屋,發現左呢款過期用品,即時search下comments 原來差comments仲多過好comments [無論美國定英國Amazon] So far 見過一個好comments,原來用喺大人身上! 如果大家唔相信,可以去US & UK Amazon 睇下 comments 至於香港,一個comments 都無,只有賣家講到有幾好,有幾掂 記住,佢地係賣家,唔係用家,賣家一定會賣花讚花香,無人會倒自己米 睇完咁多comments,買唔買,各位爸媽可以自行考慮   III:  韓國Amos蠟筆 呢款蠟筆近年真係好hit,hit到幾乎日日開FB都見到 加上講明無毒,於是沙律媽媽就買左,當時沙律B 9個月左右 買嘅原因係因為枝蠟筆有個case,沙律B唔使直接掂到枝筆 用完又可以擰出嚟,看似好好,好practical咁,於是又中左伏 原來沙律媽媽諗法係錯架,因為無論點用,都會用到周圍都係 用messy形容真係無得頂!但messy 唔係沙律媽媽嘅教法! 可能有媽媽好buy,但果個唔係沙律媽媽囉! Amos啲色好出,出得好靚,但因為比較粗身 基本上coloring係唔work 架 [至少沙律B啲填色簿唔work] **油到連邊界都無埋 除左啲色好出之外,同時亦都好易”hi”落件衫度,或者手度 雖然用濕巾可以即時抹到 [有時都抹唔乾淨] 但沙律媽媽唔鐘意搞到周圍都污糟邋遢 因為最終都係要沙律媽媽自己清潔番 畫個畫姐,油個顏色姐,點解要攞苦嚟辛! 所以沙律媽媽好少俾沙律B用 用親都要著飯衣,同時準備大量濕巾 宜家都雪藏盒律,唔俾沙律B用,等佢大啲再用 其實都有媽媽好鐘意用,可能人地小朋友大啲   另外,日本有款叫Baby Color,一啲都唔好用 沙律媽媽無買過,但喺PG用過,完全出唔到色,又貴又癈 問左老師呢款筆有咩好 老師話適合小小小小B,因為小小小小B手仔開始協調 同埋呢款筆又可以stacking,小小小小B用就一流 但如果用嚟油顏色,呢款筆唔掂! 所以沙律媽媽一直都用 Crayola 產品,真心唔錯 好多PG都用,原來是有原因的! 以上純粹個人意見,用家意見 不喜,勿看!   嬰兒用品系列︰ 如何選購嬰兒用品のSwaddle﹑包被﹑包巾﹑睡袋的重要性! 如何選購嬰兒用品の消耗品篇! 如何選購嬰兒用品の奶樽奶咀與配件篇! 好物&癈物分享︰ 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法! 精明買物媽媽系列の嬰兒好物大分享 I 旅行系列︰ 小腳板走天涯の18m布吉旅行應該帶啲咩?! 小腳板走天涯の如何選擇旅行地點,機票,酒店同其他事宜? 小腳板走天涯の10m台灣旅行應該帶啲咩! 自家製系列︰ 自家製系列の給寶寶最好的護理—自製天然健康湯水! 自家製系列の小兒天然止咳殺菌良方—燉紫洋蔥! 自家製系列の打一歲針前應該煲咩儲涼湯水?! 自家製系列の嬰兒都可以食嘅生日蛋糕—沙律B生日快樂! 教育系列︰ 教育系列のPlaygroup 有感! 教育系列のPN Interview 有感! 其他忙碌日常︰ 加固系列の嬰兒可以食咩零食?! 健康系列の如何應付寶寶の便秘問題?! 暗藏細菌系列の選用沖涼玩具時要當心! 沙律媽媽的忙碌日常の湊B去街應該拎啲咩?! 純粹分享の在職媽媽補身恩物—老協珍熬雞精!!