副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【荔枝角D2 place】親子新浦點!

 

荔枝角開左間新商場叫「D2 place」, 原來好適合一家大細黎玩!星期日我地就去左呢度玩左大半日,睇下有咩玩! 我地因爲參加facebook遊戲得左大獎,可以免費參加Babiboo的親子工作坊,同Timtam仔一齊砌張木凳仔!   雖然媽媽幫手砌嘅成份多,仔仔都有幫過手,仲學識用士巴拿同螺絲批,都係幾好玩!    其實Timtam仔細細個已經好鐘意研究物件組盒,成日反轉架跑車研究個車輪點轉,所以我覺得呢次砌凳仔的工作坊好適合佢玩,加強佢呢方面的興趣!    其實張凳仔可以隨時拆開再重組,可以有不同顏色組合,可以重複再玩!    Babiboo其實有好多靚衫同玩具買,而且有免費玩具比小朋友試玩,覺得好玩可以買返屋企玩,Timtam仔玩到唔捨得走!       第一次黎到D2 place, 爸爸話不如行一圈!原來呢個商場有好多野玩,除左大家都熟識的大樹先生之外,仲有一層有兒童跑車玩,Timtam仔離遠見到已經指住大叫,非常興奮!    可惜場內要3歳以上先玩得,Timtam仔要下年先有得玩! 行行下都開始肚餓,我地就搵左間叫「Klook」餐廳,假日都有下午茶食,正呀!      下午茶有好多選擇,又有BB凳提供,侍應姐姐仲超好人,見Timtam仔扭計借左架車車比佢玩!媽媽可以安靜食返個tea!   我地叫左明太子釀雞冀、芝士牛肉漢堡,仲有芝士蛋糕!    兩款都幾好味!牛肉漢堡塊肉好厚,而且好有肉汁,Timtam仔搶住食????        另外點左杯芝士奶蓋紅茶飲,其實我都係第一次飲奶蓋飲品,原來攪勻就變左奶茶,好味呀!    第三站,我地去左地下的「賞螢森林」,假期都幾多人排隊,每次只可以20人進入! 拎住個閃燈樽,係漆黑的森林裏面,會有閃燈和聲音效果,場內都幾黑,要小心前行!      到最後就見到森林裡面最美麗的巨型玻璃瓶,好靚呀!   D2place  真係好多野玩,一家大細可以玩成日! ==================== D2place  荔枝角長順街15號D2place2期 Klool餐廳:1樓110-111號鋪 Babiboo: 1樓101號shop 賞螢森林:D2place 地下入口 ======================= Facebook: Timtam仔的成長日誌  IG: cheerfulchristy 歡迎邀稿/出席活動:Timtamboy01@gmail.com 駐站Blogger :  #Esdlife 靚太club #媽咪幫 Yahoo親子 #BK Milk #PressLogic 親子日常# ubaby Magazine #Beauty Exchange  ~*~*~*~*~*~*~*~*~*~*~*~*~*~*~*~*~*