副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

精明買物媽媽系列の嬰幼兒好物分享 III

 

沙律媽媽好早已開始分享嬰兒好物同癈物,全部都係第一身分享 每次post完都有好大回響,好多人都有PM沙律媽媽啲野喺邊度買 上兩星期講左癈物part 2,今次又同好物啦,已分享到part 3! 舊文︰嬰幼兒好物分享Part 1,嬰幼兒好物分享Part 2 舊文︰嬰幼兒癈物分享Part 1,嬰幼兒癈物分享Part 2  隨住沙律B愈來愈大個,沙律媽媽分享嘅物件已經唔同左!   1︰量腳器 [link] 我唔知有幾多媽媽會買呢樣野,但沙律媽媽一早已買左 開頭都唔知抱住咩心態去買,總之見野就買 後來先知好有用,當沙律B過左一歲,基本上2個月換一對鞋 沙律媽媽又鐘意上網買野,對月份已經唔work,一定要睇size chart 所以沙律媽媽好有先見之明,老早淘左番屋企 集運到港HK$10有找,0-6歲都適用,真係唔買對唔住自己   2︰封口機 [link] 無錯,又係淘寶呀,又係又平又好用嘅產品,盛惠~HK$25 自從沙律B開始食零食,沙律媽媽就物色左好多零食盒同儲物Zip袋 零食盒就用麵包超人防漏款,之前有分享過,Zip袋就非IKEA莫屬 但沙律媽媽都係覺得欠左啲野 零食唔係下下都獨立包裝,有啲真係大大包,而又唔會一次食曬 次次食完放入Zip袋,最終都係變到淋曬 沙律媽媽都唔知咩原因駒使下淘左呢款封口機,但真係幫到手 而且用法簡單,入兩粒AA電就搞掂,開封嘅零食即時封口   3︰Neat Solutions 餐墊 [link] 有睇開沙律媽媽啲blogs或者page 嘅人應該知呢款產品 沙律B開頭都係用Summer Infant餐墊,但沙律媽媽覺得唔掂 仲將餐墊列入癈物,癈物part 2 有講明原因 於是就轉左一款日本輕身版餐墊,依然唔work [啜唔實張台] 無耐又轉左Neat Solutions,係沙律媽媽喺美國買的 瞬間愛上,因為大部分台面都可以啜實,又輕身 宜家沙律媽媽去親街都會拎埋 至少可以provide一個乾淨嘅台面俾沙律B 沙律媽媽個page已成為熱賣產品,最開心嘅係回頭客   4︰防水尿片袋 [link] 次次去街一定會拎定尿片,spare底衫+褲仔,夏天仲有汗巾等 呢一大堆用品,起初沙律媽媽只係用IKEA Zip 袋 後來覺得唔係咁好,因為Zip 袋會舊,會爛,會殘 於是,沙律媽媽又上偉大嘅淘寶尋寶,又俾我搵到 我估好多媽媽都知道呢個items,但無幾多人會share links 開頭唔知quality好唔好,沙律媽媽只淘左一個細size 都係十元八塊,試下無防,點知試完即買番個大size 細size得一格,大size有2格,兩款都有手挽位置 可以因應拎幾多野而決定拎大定細size 去街 最主要係防水料,即使BB整濕衫褲都唔使驚 宜家沙律媽媽超依賴呢兩個袋,去旅行都會拎埋去 用完污糟左,洗完又可以再用,又平又環保   5︰Babyganics泡泡搓手液 [link] 我估好多媽媽都會認識呢個item 沙律B一歲左右上playgroup,當時初次接觸泡泡搓手液 一用便愛上!第一乾淨,第二方便,第三可以培養沙律B hygiene 自此之後,沙律媽媽一定會隨身攜帶一枝 宜家沙律B大個啦,去街有時會嘈食零食,但食前一定會清潔雙手 與其同沙律B入左廁所洗手,倒不如直接噴一下,搓一搓來得快 宜家沙律B一見到枝野,己要求沙律媽媽幫佢噴 原因無他,因為次次噴完,抹完,都可以有野食     6︰日本製暖壺清潔套裝 [link] 呢款產品沙律媽媽都係用左2個月左右,真心覺得好用 因為沙律B加固開始,屋企已多左好多保暖壺 係人都知保暖壺好多位都好難清潔,因為手指都攝唔到入去 沙律B啲保暖壺一向都係工人姐姐處理 但我家姐姐做野好”哪西”,完全meet唔到standard 所以沙律爸媽成日都吼佢瞓左覺而重新清潔一次 沙律媽媽最鐘意搵棉花棒清潔,次次都了左唔少粥飯菜出嚟 難怪經工人姐姐手嘅保暖壺特別臭 [有時間會話俾大家知佢做野幾哪西] 所以沙律媽媽經常上網搵野,經常試新野,終於又俾我搵到 率先試用,感覺非常好,因為清潔頭好扁,好易攝入窿窿罅罅 尤其是保暖壺蓋果條belt,平時好難先清潔到,宜家易左好多 沙律媽媽見好用,己經俾左唔少親友試用,而且平靚正   7. 身高貼紙牆 [link] 又一款高質嘅淘寶用品,仲要好平,~HK$30 [運費佔左一半] 其實呢款產品已用左好耐好耐,沙律B剛識企已買左 開頭都係抱住一試心態,而且又咁平,唔鐘意就dump 點知又係出乎意料地好!首先printing 唔差,絕對唔山寨 可能沙律媽媽買左海洋款,Disney款另計,可能山寨都唔定 除左printing唔差,quality都唔差,沙律媽媽re-stick過,無大問題 沙律媽媽 stick喺大衣櫃上,如果stick喺牆同打門就唔知咩效果 成件事本身好好的,最錯就係沙律媽媽 因為貼上衣櫃果陣度錯,宜家個刻度原全唔準,要自己要mark過 外觀當堂跌volt,但依然function到 貼左張身高貼,最開心就係沙律B,因為間屋colorful左好多 而身高貼上嘅海洋生物都印得好好,沙律B從中學左唔少野!   8. 家居防滑襪仔 [link][link] 一到左11月,沙律媽媽已經開始俾家居襪仔沙律B著 起初沙律媽媽都喺英美日訂左唔少襪仔,但好多襪底都無膠粒 有一次,沙律B著左無膠粒,跣到攤攤腰,free-falling 後腦著地 嚇到我同沙律爸爸死死下,即刻重新處理佢啲襪仔 沙律媽媽都有買左日本果款襪底膠水,但唔太user friendly 除左每次都要用大量濕巾之外,每次都要用好多時間等膠水乾 仲要啲膠粒好易甩,而且開封之後,第二次再用,膠水明顯硬左啲 我唔敢話呢款產品唔work,但未係去到非有不可嘅地步 所以,沙律媽媽上淘寶搵,直接search 嬰兒防滑家居襪 當中有千百個results,沙律媽媽睇左好多comments先買 最終試左3款動物款船襪,一收到貨,即刻gur曬! 因為成對襪底都係膠粒,絕對唔會跣到攤攤腰,仲要勁可愛 沙律B鐘意到不得了,日日都要著,連瞓覺都唔俾除 可能沙律爸媽教左沙律B好多動物,佢識曬,所以先咁愛佢地 襪仔仲要係加厚款,冬天用真係一流,見好著,沙律媽媽要買左3對 不過襪仔都有缺點,就係比較易鬆,但基於優點多過缺點 沙律媽媽會繼續用,因為沙律B真係好鐘意好鐘意   9. 手指玩偶Finger Puppets [link] 沙律B番playgroup 已接觸hand puppet,老師多數用來講故事 當時沙律B已超鐘意,而沙律媽媽都有買到,親子時間好用 用hand puppet講故事,沙律B真係投入好多 但hand puppet始終都係太大,好難拎出街玩 於是沙律媽媽就喺美國搵左一款手指玩偶俾沙律B,又係動物版 沙律B開心到不得了,成日套喺手指到唱歌 [Old MacDonald Had A Farm] 上次連旅行都扎拎埋去,喺飛機上當entertainment 另外,手指玩偶用膠製成的,污糟左又可以拎去沖洗,勁方便   10. 泡泡棉貼紙 [link] 身邊好多小朋友都開始鐘意玩貼紙,沙律B都唔例外 沙律B仲要超鐘意動物系列,已經認識左好多款動物 沙律媽媽曾經喺文具鋪買過Disney貼紙,又貴,又唔可以重覆貼 終於,沙律媽媽又喺淘寶搵到 [其實搵左好耐] 真係平靚正,幾數就要有一大排,仲要好立體款果啲 淘寶呢款貼紙叫泡泡棉貼紙,3D感重,又易搣 最緊要係可以不停重覆貼,痴力唔太強,就算痴左上牆都無問題 所以沙律媽媽間屋周屋貼紙,有時個身同床都有 但沙律B開心,又可以從中學到野,唔錯!   嬰兒用品系列︰ 如何選購嬰兒用品のSwaddle﹑包被﹑包巾﹑睡袋的重要性! 如何選購嬰兒用品の消耗品篇! 如何選購嬰兒用品の奶樽奶咀與配件篇! 好物&癈物分享︰ 精明買物媽媽系列の嬰幼兒癈物分享 II 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法! 精明買物媽媽系列の嬰兒好物大分享 I 旅行系列︰ 小腳板走天涯の18m布吉旅行應該帶啲咩?! 小腳板走天涯の如何選擇旅行地點,機票,酒店同其他事宜? 小腳板走天涯の10m台灣旅行應該帶啲咩! 自家製系列︰ 自家製系列の給寶寶最好的護理—自製天然健康湯水! 自家製系列の小兒天然止咳殺菌良方—燉紫洋蔥! 自家製系列の打一歲針前應該煲咩儲涼湯水?! 自家製系列の嬰兒都可以食嘅生日蛋糕—沙律B生日快樂! 教育系列︰ 教育系列のPlaygroup 有感! 教育系列のPN Interview 有感! 其他忙碌日常︰ 加固系列の嬰兒可以食咩零食?! 健康系列の如何應付寶寶の便秘問題?! 暗藏細菌系列の選用沖涼玩具時要當心! 沙律媽媽的忙碌日常の湊B去街應該拎啲咩?! 純粹分享の在職媽媽補身恩物—老協珍熬雞精!!